Toponimia

Toponimia de la Parroquia de Berodia.

Con el amable permisu de l'Academia de la Llingua Asturiana y del autor d'esta "toponimia", Xulio Llaneza Fernández (ver bibliografía).
N'esti color, les correcciones que he estimáu oportunes, asina como otros topónimos d'esta parroquia.


A, B, C, D, E, F, G, H, I, J, K, L, LL, M, N, Ñ, O, P, Q, R, S, T, U, V, W, X, Y, Z.


L’Ablanera: Barriu del pueblu d’Inguanzo, encima d’El Campu la Iglesia.
Las Ablaneras: Terrén cerca de Los Ondrigos, no cimero de la Ería Grande. Berodia.
L’Acebu: Prau cerca d’El Piplón, en la Ería Grande. Berodia.
Adeñes: Cuéranu 1., a la izquierda según cuerre l’agua, del pueblu d’Inguanzo.
L’Alḥoz: Terrén llano, que se trabayaba hai años, nel pueblu de Berodia, detrás de La Escuela.
L’Alisar: Prau, fechu yá cuasi monte, cerca de la Vegueta, per onde pasa La Caleya l’Alisar.
L’Altarín: Sitiu cerca de la ilesia, n’el Pueblu Baḥu de Berodia.
Los Arandanales: Terrén cerca de La Cabeza Llerosos. Yá nun pertenez a la parroquia de Berodia. Queda ente les de Camarmeña y Bulnes.
L’Arbuxán (~ L’Arguxán): Pradería bona ente los terrenos de Berodia y d’Inguanzo (ver Argañosos).
Las Arcas: Terrén calizo, húmedo y arrimao anque ensin llombes, pa lo fondero del cuéranu d’Adeñes. Inguanzo.
L’Arenal: Ḥacina de terrén bastante arenoso, debaxo mesmo de la Ḥaza las Cabras, nel valle d’Adeñes. Inguanzo.
Argañosos: Nome que-y dan en Berodia a la pradería de L’Arbuxán.
L’Argumosu: Monte y arboláu cerca de los Biḥorcos y de la Llosa Mariella. Inguanzo.
Los Arquines (~ Los Barquines): Terrén debaxo La Llampaza, ente ello y los Biḥorcos. Inguanzo.
L’Asomadoriu: Terrén en Trexerra, encima de la Reḥaya’l Cantu. Berodia.
L’Asomu l’Agral (~ L’Asomu): Sitiu dende onde s’avista munchu terrén, ente les fasteres de los pueblos d’Inguanzo y de Berodia, cerca de Resecu y ente L’Asomadoriu y la Reḥaya’l Cantu.
L’Asomu’l Molín: Terrén debaxo de Sobrecueva, a lo fondero del cuéranu 1. d’Adeñes. Hai una cueva, y la xente piensa que se comunica cola del Bosque.
L’Aspra: 1. Parte del pueblu d’Inguanzo, a la drecha visto de baxo, de La Bolera. Cuerre ellí una fonte que lleva’l nome del sitiu. 2. Terrén a la mano riba de lo anterior.
Los Asprones: Nome que-y dan en Berodia a Los Saplones.


1. cuéranu: peazu de prau o de monte onde s’estremen un númberu indetermináu de finques d’amos distintos y onde pue haber canales d’agua, aunque non necesariamente, y que polo xeneral nun se rieguen.

El Balagar: Cuéranu 1. d’Inguanzo depués de pasar La Casa Minguina, diendo d’El Puente la Baragaña pa Cuetu Ḥoradáu. Queda a la mano baxo del camín que lu separa de la Güelga.
La Banca: Terrén llano no fondero de La Ería Grande, cerca d’El Paechu. Berodia.
La Baragaña: Finca grande na fastera de La Ería, p’abaxu de Miyares al pie d’El Ríu Calabres, per onde crucia la carretera que xube pal pueblu. Ende tópase El Puente la Baragaña. Inguanzo.
Baremuyada: Cuéranu 1. cerca de La Casa Minguina. Inguanzo.
La Barga: Praos cerca de La Rotura, na ería de Los Praos del Monte. Berodia.
El Barganal: Faza debaxo de la d’El Palencianu, dientro de la Cortina. Berodia.
Bargaramedu: Monte de la rodiada de Berodia.
Beceña (~ El Valle Beceña): Terrén p’arriba Ternás, depués de pasar El Colladín del Vidriu, no cimero d’El Puertu. Hai bonos pastos pal ganáu. Inguanzo.
Las Becerreras: En Semuñon. Berodia.
La Beduyal d’Abaḥu 2.: Terrén con daqué peña, debaxo d’El Beduyal d’Arriba, na fastera d’El puertu. Berodia.
El Beduyal d’Arriba: Terrén con daqué peña, debaxo de Semuñon, n’el Puertu. Berodia.
Beliembre: Monte y praos a la izquierda, visto de frente, d’El Cuetu Ḥoradáu. Va dende’l repetidor hasta la carretera. Inguanzo.
El Beyu: Terrén onde s’atopa un bosque 3. que llinda con Adeñes, anque la mayor parte d’ello ye bravío, caliar, con matos y ardines, na parte fondera de la raya ente les fasteres d’Inguanzo y Berodia.
Los Biḥorcos: Terrén que va dende La piniella hasta El Ríu. Hai bosque y mata. Inguanzo.
Bistuertas: Lo cimero d’onde s’axunten dos llombes, cerca d’El Cuetu Llobedu. Ta na llinde ente los terrenos d’Inguanzo y Berodia, anque pertenez al primeru.
Las Bodegas: Sitiu onde s’afayen Las Bodegas onde se guardaba’l quesu, debaxo d’El Terenal y encima de Muniós. Estes bodegues yeren unes construcciones de piedra, que podíen tener el techu tamién de piedra o d’otru tipu de material.
La Bolera la Portiella: Una campera 4. dientro d’una parte de cuesta, p’arriba de Los Ḥogos del Duernu. Berodia.
La Bolera Maremiguel (~ La Bolera Baremiguel): Una parte del pueblu d’Inguanzo, detrás d’El Corrillu.
La Bolera: 1. Parte del pueblu d’Inguanzo, onde taba la bolera, a la parte baxo de La Escuela y a la drecha, visto de baxo, de La Fontona. Ta xunto a La Casa Acuerdu. 2. Sitiu grande y llanu dientro La Cueva’l Bosque. Parten d’equí dos galeríes : una d’elles tien pintures rupestres y la otra fura p’abaxo per un pozu mui pendiente qu’enancha depués, como una cueva normal. Inguanzo. 3. Barriu del pueblu de Berodia, cerca del de Triana. Hai una placina y primero hubo bolera.
El Bolugu: Camperes onde pastia’l ganáu. Queda depués de salir d’El Sedu diendo pa Ternás. El Puertu. Inguanzo.
El Boscón: Terrén cerca d’El Vau, na raya con Berodia, Inguanzo.
El Bosque Cimentada: Bosque 3. en trexerra, apegao a Los Trechorios. Berodia.
El Bosque d’Abaḥu (~ El Bosque de Baḥu): Castañéu debaxo de La Rozada, nel cuéranu d’Adeñes. Inguanzo 5..
Bosque La Conche: Prau na zona de La Conche. Berodia.
El Bosque la Vega: Bosque 3. cerca d’El Llanu la Vega. inguanzo.
El Bosque Martino: Bosque 3. cerca de la deh.esa. Inguanzo.
El Bosque Prietu: Bosque cerca de la Mixolar, na ería de Los Prados del Monte. Berodia.
Bosquesantos: Prau, zarráu con muriu, na parte riba de La Sierra, en Berodia.
El Bosque’l Táranu: Bosque 3. na zona d’El Táranu, mirando pal valle d’El Ríu las Llanas. Inguanzo.
Los Bosques d’Uncedo: Praos xunto a Uncedo, distintos de los siguientes. Berodia.
Los Bosques: Ería con unos cuantos praos encima d’Uncedu. Berodia.
El Bosquín: Terrén dientro de la ería de Los Praos del Monte. Berodia.
El Bosquín de Caleyu: Bosquín debaxo d’El Cuetu Llobedu, na zona d’El Caleyu. Inguanzo.
El Bosquín de Campulluengu: Ún de los praos de Campulluengu. Inguanzo.
Los Bosquinos: Praos cerca de La Teyería Corcedu. Inguanzo.
El Burdiu: Terrenu a la derecha, según baxa l’agua, d’El Cuetu Llobedu.
El Burriellu: Barriu del pueblu d’Inguanzo, no fondero’l pueblu.
Busnuevu: N’El Puertu, pa riba de Ternás. Inguanzo.


1. cuéranu: peazu de prau o de monte onde s’estremen un númberu indetermináu de finques d’amos distintos y onde pue haber canales d’agua, aunque non necesariamente, y que polo xeneral nun se rieguen.
2. Nun se recueye en nengún casu la forma Abaxu.
3. bosque: prau zarráu con un muriu, d’un amu solu, que pue tar verde o semáu.
4. campera : sitiu llanu en monte.
5. La segunda de les formes conseñaes ufiertóla ún de los informantes de más d’ochenta años.

La Cabaña d’Andres: Prau dientro del Cuéranu 1. de Cuetu Ḥoradáu. Inguanzo.
La Cabeza Cogollu (~ El Picoretu): Prau cerca de Los Colladinos. Berodia.
La Cabeza la Gorgucina: N’El Puertu d’Inguanzo, dando vista yá a Cain.
La Cabeza la Portiella: Terrén cerca de La Bolera la Portiella, na raya de Peruyal d’Arriba. Berodia.
La Cabeza las Teyeras: Una morra 6. que se llevanta encima de Muniós, en La Vega las Cuerres. Fai de llinde ente les tierres d’Inguanzo y de Berodia.
La Cabeza las Vacas: Monte p’arriba de La Cabeza la Portiella. Dende El Colláu la Portiella hasta equí hai una xubida per onde nun ye nada fácil meter el ganáu. Berodia.
La Cabeza Llerosos: El monte más altu que s’avista dende los pueblos d’Inguanzo y de Berodia.
La Cabeza’l Sellón: Pa la zona de Beliembre, el llugar onde empieza, pela parte riba, la rastra que dicen que dexó un cuélebre fantásticu al restillase per allí. Inguanzo.
El Cable: Terrén de monte onde paraben les calderes del cable d’una mina antigua, ente El Puente la Baragaña y Pomá de Bodín. Inguanzo.
El Cabreru: Terrén cerca de La Ceposa, na ería de Cogollu. Berodia.
Cacabiellu: Llugar con terrén de bona calidá, pendiente y con dalgún llanu, cerca d’El Pedrosu y d’El Táranu. Inguanzo.
Los Cados: Una zona de monte p’arriba de Ḥuambráu, n’El Puertu. Berodia.
El Cadu: Prau con xerres alredor d’elli cerca de Sollambres. Berodia.
Las Cargüezas (~ Las Cagüerzas): Terrén de llau L’Esnavayu. Inguanzo.
La Cal: Una faza cerca de la de Sucadapán y que llega hasta onde ta la ilesia del pueblu de Berodia.
El Calabazal: Una faza cerca de la de La Nozalera, dientro de La Cortina. Berodia.
Calabres: Zona de praos ente El Ríu y El Burriellu, na rodiada d’Inguanzo.
La Caleya’l Cogollu: Caleya que pasa pela zona d’El Cogollu, xuntándose con la Caleya l’Alisar en La Llosa la Cruz. Berodia.
La Caleya la Ḥuentona: Caleya que separa les eríes de Miyares pela mano baxo y El Cogollu pela mano riba. Berodia.
La Caleya l’Alisar: Caleya que pasa arrimada a Cogollu. Berodia.
La Caleya los Campos: Cachu de caleya que ye continuación de La Caleya’l Cogollu cuando pasa pel monte na zona Los Campos. Berodia.
La Caleya Pandu: Caleya que diba dende’l pueblu d’Inguanzo contra Pandu, no cimero de La Ería. Agora ya nun s’usa porque fixeron una pista que xube pela mesma ería.
La Caleya Uncedu: Caleya que separta La Ería Grande, per baxo, de Peraḥiendi, per riba. Sal a Uncedu. Berodia.
El Caleyón: Barriu del pueblu de Berodia, cerca del d’El Peral. Ye un caleyón con cases a los dos llaos.
El Caleyón de los Cuernos: Sitiu estrenchu en La Canal, cerca de La Veguca Rubia na zona d’El Puertu. Inguanzo.
El Caleyón de Pelamoru: Camín que sal na carretera, pa baxo un poco de La Baragaña, y va pa contra Cuetu Ḥoradáu. Inguanzo.
Caleyu: Terrén cerca de Sordía no fondero d’El Cuetu Llobedu. Inguanzo.
El Caleyu: Terrén llano cerca d’El Ceñal, en la Ería Grande. Berodia.
La Calzada: Sitiu que s’atopa pasando de La Maneda a Dobros. Ye un camín pel que pasen les vaques. Inguanzo.
La Calle: Barriu de Berodia formáu por una calle daqué pendiente coles cases a los dos llaos. Ta percima del de La Bolera.
La Calle la Paz: Calle que lleva esti nome dende nun hai munchos años (puesto por un vecín). Ta p’arriba del barriu de La Calle, en Berodia.
El Camín de Cuetu Ḥoradáu: Camín que pasa pela zona de Cuetu Ḥoradáu, ente los praos de Los Prietos perriba y La Granxa perbaxo. Inguanzo.
El Camín de la Cuesta: Camín que va a Las Rozas, na parte que pasa per La Cuesta. Inguanzo.
El Camín de la Cueva’l Bosque: Camín que va pa La Cueva’l Bosque. Inguanzo.
El Camín de la Mina: Ún de los pasos qu’hai pa llevar ganáu hacia El Puertu. La mina a la que fai referencia yera de manganesu y diba, polo que dicen, dende Cares hasta Cuadonga. Inguanzo.
El Camín de las Rozas: Camín que va en travesera per La Ería. Según per onde pasa llámenlu de distinta manera. Inguanzo.
El Camín de Llavanderu: Antiguu camín pel que se diba d’Inguanzo a Carreña. Inguanzo.
El Camín de Pedru Moru: Camín en términos d’Inguanzo.
La Campa: Prau con cachos llanos y pindios na ería de Miyares, p’arriba de La Riega y de La Vagúa. Berodia.
La Campera Sanllagu: Campera na parte cimera d’Ostandi, dientro de la vecina parroquia de Poo, aunque cerca de la llinde cola fastera d’Inguanzo.
La Campera Tiva: Debaxo de La Peña la Carta y encima d’El Monte Acebedu. Berodia.
Las Camperas: Terrén ente El Sedu y Ternás. Llenda perriba con El Colláu Sedu. Inguanzo.
Campiñuelo (~ Pampiñuelo): Terrén pa riba de L’Obispo, na parte alta del cuéranu 1. de Corcedu. Inguanzo.
Campiyón: Terreno encima de Carraceda, con una peña y una valleya que la anda’l ganáu con dificultá. Inguanzo.
La Campona: 1. Un prau dientro de La Prida. Inguanzo. 2. Prau en Los Praos del Monte. Berodia.
Los Campos: 1. Prau encima d’Uncedu, arrimáu contra’l pastu. Berodia. 2. Praos na zona de Cabeza Cogollu. Berodia.
Los Campos de la Mina: Pedazos de terrén llano, na zona de La Peña Dobros. Debaxo d’ellos había manganesu y al sacar el mineral quedaron bastante estrozaos, con unos ḥogos bien grandes.
Los campos de Texa: La parte cimera de Texa, na raya con la Peña. Nun ye del too llano y ta de verde. Inguanzo.
El Campu: Barriu del pueblu de Berodia, a la izquierda visto de baxo, entre la Bolera y La Riega.
El Campo Dios: Una vega pequeña p’arriba d’Umones, nel monte. Inguanzo.
El Campu (~ El Campu l’Españal): Barriu del pueblu d’Inguanzo, a la parte riba del de L’Oscuru.
El Campu la Concha: Zona de terrén poco pendiente, en La Concha. Aquí había una casa grande, llevantada probablemente cuando se buscaba’l mineral. Tiempu depués, la xente fue desfaciéndola pa construir y iguar cabañes col material sacao d’ella. Inguanzo.
Campu la Conche: Cerca de Tomavientos, en términos de Berodia.
El Campu la Iglesia: Barriu del pueblu d’Inguanzo.
El Campu los Prunos: Pa la zona de L’Asomu.
Campulluengu: Cuéranu 1. con praos, a la derecha según baxa l’agua, d’El Ríu, cerca de La H.orcada. L’Otru Lau. Inguanzo.
Campumarina: Praos al delláu d’El Milán. Inguanzo.
Campurredondu: Encima de Novales, na raya con Berodia. Inguanzo.
La Canal (~ Las Canales): Conxuntu de praos, col terrén formando canales o vallinos, dientro de La Ería de la Ḥoz. Berodia.
La Canal: La canal que s’alcuentra, xubiendo, depués de pasar Ternás. Inguanzo.
La Canal de los Lluengos: Canal que va dende La Vega Espinas, per baxo, hasta Tomavientos. Berodia.
El Canal de los Tollos: Canal cerca de La Mata. Berodia.
La Canal de Llobedu: Canal na parte baxa d’El Cuetu Llobedu.
La Canal de Pamentosu: Canal cerca d’El Colláu de Pamentosu que baxa hasta El Cares. Queda fuera del terrén de la parroquia.
La Canal de Pandal: Canal cerca de Cedres. Berodia.
Canalón: Terrén con forma de canal grande, cerca d’El Tusiellu, na ería de Los Praos del Monte. Berodia.
Cananda: Ente La Maneda, per riba, y La Vega Dobros per baxo, na llinde ente les parroquies de Berodia y Poo. Nun ye vega 7., aunque antes había aquí tres o cuatro cabañes a les que diben los pastores pel branu col ganáu.
Cantiellu (~ El Cantiellu): Terrén a la derecha, visto dende’l pueblu d’Inguanzo, de Tresombos, p’arriba de La Güelga, no cimero la costana. Hai montes y praos. Inguanzo.
El Cantiellu la Muda: Terrén ente La Vega Resecu y Covielles.
El Cantu Dobros: Cantu pa la parte Dobros. Inguanzo.
Los Cañamales: Faza de La Cortina. Berodia.
La Capilla’l Sedu: Terrén con unos covachos onde termina’l camín d’El Sedu, diendo pa El Puertu. Inguanzo.
Carmameña: Nome col que dellos de los vecinos llamen a Camarmeña, pueblu de la parroquia de Bulnes.
Carmela: Terrén cerca d’El Bosque Prietu, na ería de Los Praos del Monte. Berodia.
Carraceda (~ Carreceda): Canal debaxo de Campiyón y cerca de Ternás. Tien llinde con Praón, na vertiente de Poncebos (Bulnes).
La Carrada: Barriu del pueblu d’Inguanzo, a la izquierda visto de baxo, del de La Pipa.
La Carrera: 1. Camín que va, per La Ería, dende’l pueblu pa contra Miyares. Inguanzo. 2. Parte del terrén per onde pasa’l camín. Inguanzo.
La Carretera General (~ La Carretera l’Estáu): Carretera que pasa pelos pueblos de H.ortigueru y de Carreña.
La Carretera Umones: Carretera que pasa per Umones y allégase hasta onde acaba la de Poncebos, fuera de la parroquia. Puen pasar per ella los tractores.
El Carril: Terrén saliendo del pueblu d’Inguanzo, no fondero del Cuéranu 1. d’Adeñes.
La Casa Acuerdu: Local que tienen los vecinos, en pueblu d’Inguanzo, onde La Bolera, pa facer xunta y tratar los asuntos de la comunidá.
La Casa Diaya: Prau onde hubo una casa 8., cerca de Ḥabariegu, na ería de Los Praos del Monte. Berodia.
La Casa Minguina: Casa p’abaxo de La Lloseta y p’arriba de La Palanca. Inguanzo.
La Casa Vieya: Invernales con casas 8. pa contra La Güelga. Inguanzo.
Casar de Cogollu: Terrén onde acaba la ería de Cogollu, cerca de La Llana Cogollu. Berodia.
Los Casares: Pieza con una casa 8. dientro de la ería de Remuedu. Berodia.
Cascayu: Cachu pequeñu de terrén delantre de la cuadra La Granxa, fuera del prau. Hai un bebederu pal ganáu onde pinga l’agua de La Ḥuente’l Cascayu. Inguanzo.
La Castañal: Praos cerca de Castañedas y debaxo d’El Prau Pozu. Inguanzo.
La Castañal (~ La Castañar): Prau apegáu a El Doblu, dientro de La Ería Grande. Berodia.
Castañedas: Mates debaxo de Los Bih.orcos y a la izquierda, visto de baxo, de La Castañal. Inguanzo.
El Castru: Una de les partes del pueblu d’Inguanzo, hacia lo cimero.
La Caxiga: Barriu del pueblu d’Inguanzo, onde acaba la carretera que vien de Carreña. Enantes había aquí una caxiga mui grande.
Caxiga Cortada: Prau nel cuéranu 1. de Campulluengu. Inguanzo.
Caxigón: Ería en términos de Berodia.
El Caxigu: Terrén pa’baxo de La Cotera, na ería de Los Praos del Monte.
Cebos: Terrén cerca de La Carrera, dientro La Ería y a la derecha, visto de frente, de Los Recuestos. Inguanzo.
Cedres: Mayada p’arriba d’El Valle l’Ardina, cerca de Ḥuambráu. Berodia.
Celoriu: Terrén debaxo de Campurredondu y a la mano riba d’El Camín de la Cueva’l Bosque. Inguanzo.
El Cementeriu (~ El Cimenteriu): Cementeriu del pueblu d’Inguanzo, a la mano riba de Valleyu, nel cuéranu 1. d’Adeñes.
El Cementeriu: Cementeriu del pueblu de Berodia, cerca d’El Valle, n’El Pueblu Baḥu.
El Ceñal: Terrén llano cerca de Mascayu, en La Ería Grande. Berodia.
La Ceposa: Prau xunto a Poliar, a la mano riba de La Caleya la Ḥuentona, na ería de Cogollu. Berodia.
La Cerezal: Prau en Los Prados del Monte. Berodia.
La Cerezalona: Barriu del pueblu de Berodia, debaxo del d’El Peral.
El Cerredu: Zona cerca d’El Paré la Gotera. El Puertu. Berodia.
Codía: Castañeos p’abaxo de La Güerta Marepaulo, abaxo del pueblu d’Inguanzo.
Cogollu (~ El Cogollu): Ería encima de la de Miyares, de la que la separa La Caleya la H.uentona. Berodia.
La Cogota: Llomba que fai de raya cola parroquia de Poo, perriba de Campulluengu. Ta de monte. Inguanzo.
El Colladín del Vidriu: Colladín p’arriba de La Concha las Peyas, siguiendo’l camín que xube dende La Vega Ternás hasta Beceña. El Puertu. Inguanzo.
Los Colladinos: Prau qu’arrima a la ería de Los Bosques. Berodia.
Los Collaos: Terrén p’arriba de Beceña y de Los Ḥogos del Agua. El Puertu. Inguanzo.
Colláu: 1. Colláu detrás del repetidor, voltiando la zona de Cuetu Ḥoradáu. Anque yá mira pa Carreña, pertenez a xente d’Inguanzo. 2. Terrén cerca d’El Prindal, na raya con Berodia, Inguanzo.
El Colláu: Colláu p’arriba d’El Valle Beceña, cerca yá de la vega de Beceña. El Puertu. Inguanzo.
El Colláu Carraceda: Colláu no cimero Carraceda. El Puertu. Inguanzo.
Colláu Cerredu (~ El Colláu Cerredu): Colláu depués d’El Paré la Gotera.
Colláu Covielles: Colláu pa la zona d’esti nome. El Puertu. Inguanzo.
El Colláu Diaya: Colláu cerca de la H.uente Diaya, na ería de Los Prados del Monte. Berodia.
El Colláu Ḥosticuernu: Colláu na parte cimera d’El Valle Ḥosticuernu. Pa la parte de Beceña yá nun ye valle, ye una fastera de peña per onde ye dificil andar. Berodia.
El Colláu la Cruz: Terrén dientro La Vega Ternás. Inguanzo.
El Colláu la Ḥoz: Finca cerca la Ḥuentina, en La Ería de la Ḥoz. Berodia.
El Colláu la Maneda: En la Maneda, cerca de Ternás. Ye terrén de Poo.
El Colláu la Portiella: Colláu onde acaba’l valle de La Portiella, na dixebra cola fastera d’Inguanzo. Berodia.
El Colláu la Prida: Colláu p’arriba de La Vega Beceña. El puertu. Inguanzo.
Colláu l’Ablanu (~ El Colláu l’Ablanu): Colláu na parte riba d’El Terenal, onde tamién acaba Texa. Inguanzo.
El Colláu l’Ardina: Colláu ente Pandal y Posadoriu. Berodia.
Colláu Muniós (~ El Colláu Muniós): Un Colláu pa la parte de Muniós, apegáu a La Cotera Muniós y qu’axunta les fasteres de Berodia y d’Inguanzo. Pa la parte Inguanzo ta La Vega Ternás. El Puertu. Berodia.
Colláu Pamentosu: Colláu que s’atopa diendo de Beceña pa contra Llerosos. Ta apegando colos terrenos de la vecina parroquia de Prau pela parte de La Molina. El Puertu. Inguanzo.
El Colláu Pandal: Colláu cerca de Cedres. Berodia.
Colláu Sangreru (~ El Colláu Sangreru): Colláu que s’alcuentra depués de Colláu Cerredu, xubiendo. El Puertu. Berodia.
El Colláu Sedu: Colláu enriba de Las Camperas. Inguanzo.
El Colláu Sordía: Colláu no cimero de La Ería. Inguanzo.
El Colláu Timón: Colláu ente La Llende y Resecu. Berodia.
El Colláu Remuedu (~ El Colláu’l Remuedu): Sitiu en medio de la ería de Remuedu. Berodia.
La Concha: Terreno que s’alcuentra al salir de Ternás, p’arriba. Nun ye de mala calidá.
La Concha Besaculos: Terrén en La Canal, cerca d’El Caleyón de los Cuernos. El Puertu. Inguanzo.
La Concha las Peyas: Terrén p’arriba de Los Cuevos del Vidriu, na zona de La Canal. El Puertu. Inguanzo.
Las Conchas: Terrén cerca d’El Colláu l’Ablanu. Inguanzo.
La Conche: Zona de terrenu pedregoso y malo debaxo del pueblu de Berodia, con dalgún prau ente ello. Pasaba per aquí l’antiguu camín que xubía al pueblu. Agora pasa la carretera.
La Conche los Güevos: Una conche 9. n’el Puertu, onde cunten qu’una vez un paisanu rompió tolos güevos que llevaba.
La Conche tres Xerra: Concha a la mano tras de la Xerra, visto dende’l pueblu de Berodia. Berodia.
Las Conches de Timón: Terrenos ente La Llende y Resecu. Berodia.
La Congostura: Fonte que surde p’arriba de la del Duernu, n’el Valle Beceña. El Puertu. Inguanzo.
Corcedu: Un cuéranu 1. a la derecha, según baxa l’agua, d’El Ríu, na zona conocida como L’Otru Lau. Inguanzo.
Corcedu d’Abaḥu: Lo fondero de Corcedu. Inguanzo.
Corcedu d’Arriba (~ El Corcedu d’Arriba): Lo cimero de Corcedu. Inguanzo.
El Corciáu: Cachu de monte de madera, cerca d’El Doblu y La Castañal, en La Ería Grande. Berodia.
Córdoba: Vega con un paré 10. grande, un poco p’arriba de La Vega Beceña. Ye bastante pedregaloso, con dalguna qu’otra camperina y les vaques avecen a sestiar ellí cuando fai muncha calor. Inguanzo.
Las Coronas: Lo cimero del terrén de La Cuesta, na llinde cola parroquia de Poo. Ye un picu de color escuro ensin peña. Dende El Buriellu apaez per detrás de La Peña como si fuere una corona.
El Corral: Una de les partes del pueblu d’Inguanzo, onde se topaba’l corral onde metíen les vaques que se prindaben. Ta percima del barriu L’Ablanera. Inguanzo.
El Corral de Corrué: Una construcción a manera de corra que s’alcuentra na zona de Corrué.
Los Corredores: Barriu del pueblu d’Inguanzo, al llau de La Regoria.
El Corrillu 11.: Barriu del pueblu d’Inguanzo.
Corriscada: En Semuñón. Berodia.
Corrué: Terrén debaxo de La Cabeza Llerosos, pa contra la derecha visto dende’l pueblu d’Inguanzo.
Cortegueros: Terrén p’abaxo d’El Colláu Sordía, dientro de La Ería. Inguanzo.
La Cortina: 1. Praos y tierra ente Tresalfonso y El Buriellu, en pueblu d’Inguanzo. 2. Ería del pueblu de Berodia, cerca de les viviendes, a la mano baxo de la carretera y a la derecha del Valle visto d’arriba. Ye too tierra que se semó años atrás.
La Cotera: Praos cerca de Fresnedal, na ería de Los Praos del Monte. Ye una cotera que da vista, per ún de los lladrales, a una riega. En Berodia.
La Cotera Grandelluenga: Cotera na llinde ente les parroquies de Berodia y Prau, pela parte de La Molina.
Cotera Llerosos: Cotera 12. na xerra de Llerosos. Berodia.
La Cotera Muniós: Un coteru 12. de piedra na parte de Muniós. El puertu. Berodia.
La Cotera (~ La Cotera Peraḥiende): Prau na ería de Peraḥiendi. Berodia.
La Cotera Quemada: Ente Campu la Conche y Semuñon, en términos de Berodia.
El Coterín: Na zona de Trexerra, cerca de La Ḥayona. Parten ente El Coterín d’Abaḥu, el del Mediu y el d’Arriba.
El Coterín de la Ḥormiga: Coteru 12. ente La Llampaza y La Peña, debaxo de La Cuesta la Surbial. Inguanzo.
El Coterín de las Meloneras: Coteru 12. ente la Llampaza y La Peña, debaxo de La Cuesta la Surbial. Inguanzo.
El Coterón de Susu: Coteru 12. pa la zona d’El Susu. Inguanzo.
Los Coteros: Terrén cuesto p’arriba de Los Gavilanes, con vertiente pa los dos llaos. El Puertu. Berodia.
La Cotiesa: Una morra 6. de sierra con dellos coteros 12.. Berodia.
Covayos: Praos cerca de Rotellu y de La Llosu Pandu, con parés 10. que semeyen cueves pequeñes. La Ería. Inguanzo.
Covielles: Parés 10. onde beben les vaques cerca de Las Quebradas. El Puertu. Inguanzo.
El Cruciu: Prau ente árboles cerca de Novalos, na raya con Berodia. Inguanzo.
La Cruz: Prau qu’arrima a la caleya de La Cruz, na ería de Peraḥiendi. Berodia.
La Cruz de las Carreteras: Un cruz onde s’axunten La Carretera Umones y otra que xube de Llanezas. Inguanzo.
El Cu baḥu la Güelga: La parte baxa de la zona de La Güelga. Inguanzo.
El Cu baḥu la Palanca: La parte baxa de La Palanca, en términos d’Inguanzo.
El Cu baḥu’l Balagar: La parte fondera del cuéranu 1. d’El Balagar. Inguanzo.
El Cu riba la Güelga: La parte cimera de la zona de La Güelga. Inguanzo.
El Cu riba la Palanca: Lo cimero de La Palanca. Inguanzo.
El Cu riba’l Balagar: Lo cimero del cuéranu 1. d’El Balagar. Inguanzo.
Los Cuadros: Terrenos pa la zona de Ternás. Inguanzo.
El Cubezu: terrén ente El Prau Umones y La Cuesta los Tazones. Inguanzo.
La Cuécora: Una casa, al pie de la carretera que xube pa Berodia, cerca de La Vuelta’l Fraile. Berodia.
El Cuélebre: Terrén p’abaxo de La Palanca, na raya col ríu. Inguanzo.
La Cuesta: Terrén enriba Los Recuestos. Inguanzo.
La Cuesta la Llampaza: Ver La Llampaza.
La Cuesta la Surbial: Cuesta que se topa, visto dende’l pueblu d’Inguanzo, a la derecha d’Umones, ente esto y Las Traviesas, a la parte riba de Los Biḥorcos. Hai una fonte.
La Cuesta’l Cantu: Sitiu pendiente arriba de Zaniellu, cerca de La Rozada. Inguanzo.
Cuestas Sagradas (~ Las Cuestas Sagradas): Terrén na zona de Camarmeña, dientro de la parroquia de Bulnes.
Los Cuetos: Cuetos na parte de Ternás. Inguanzo.
Los Cuetos Pardos: Cuetos na falda de La Peña los Ḥorcaos. De llueñe vense de color escuro. Inguanzo.
Cuetu Ḥoradáu (~ Cuetu Ḥueradáu ~ Cuetu Ḥeradáu): Cuéranu 1. a la derecha de Beliembre y pa riba d’El Milán, visto de frente, na costanera de la parte derecha d’El Ríu. Inguanzo.
El Cuetu Ḥoráu: Ún de los dos sitios pelos que se pasaba col ganáu camín d’El Puertu dende Inguanzo. L’otru pasu yera’l de La Mina.
El Cuetu la Ḥayona: Cuetu cerca de Los Cados, na zona de Trexerra. Berodia.
El Cuetu la Piniella: Cuetu caliar cerca del Cuetu los Fresnos, contra’l pueblu d’Inguanzo.
Cuetu l’Ardina (~ El Cuetu l’Ardina): Cuetu cerca d’El Colláu l’Ardina. Berodia.
Cuetu los Fresnos: 1. Monte con fresnos, na zona de Pierdón. Berodia. 2. Terrén pa riba del monte de Los Biḥorcos, cerca de Las Traviesas. Inguanzo.
El Cuetu Llobedu: Mogotón de peña caliar que se llevanta ente El Resecu y El Ríu Burdiu.
El Cuetu Pierdón: Cuetu pa la parte de Pierdón. Berodia.
El Cuetu Timón: Cuetu na zona d’El Timón, encima de L’Espinu. Berodia.
La Cueva Antuña: Covachu que se topa diendo de La Mina, contra arriba. Inguanzo.
La Cueva Beliembre: Cueva pa Beliembre. Inguanzo.
La cueva de Covisondi: Cueva contra Beceña, de la que baxes Salláu. Inguanzo.
La Cueva del Burdiu (~ La Cueva’l Burdiu): Cueva na zona d’El Burdiu. Queda enfrente de la zona de Puertas que llamen Las Estazadas. Crecen nozales na rodiada y nesta cueva guardábense les oveyes y les cabres.
La Cueva la Portiella: Cueva p’arriba de La Cabeza la Portiella. Berodia.
La Cueva las Arcas: Cueva p’abaxo del pueblu d’Inguanzo, onde La Ḥuente Valleyu, u sal El Camín del Llavanderu, en la carretera. Polo grande que ye pue metese nella’l ganáu.
La Cueva’l Beyu: Cueva na vega d’El Beyu. Según dicen, comunícase con La Cueva’l Bosque. Inguanzo.
La Cueva’l Bosque: Terrén de peña nel cantu izquierdo del cuéranu 1. d’Adeñes, según el baxar del agua. Hai una cueva con pintures rupestres. Vien a ser ún de los cabos del cordal d’El Táranu.
La Cueva Tiesara: Cueva muy profunda n'el puertu. Berodia.
Las Cuevas de la Zamploña: Cueves en La Zamploña, dientro de Las Garmas d’Acá. Berodia.
Los Cuevos del Vidriu: Cuevines pa la zona de La Canal. El Puertu. Inguanzo.
El Cumbrial: Una ren que xunta les fasteres de los dos pueblos. El Puertu. Inguanzo.


1. cuéranu: peazu de prau o de monte onde s’estremen un númberu indetermináu de finques d’amos distintos y onde pue haber canales d’agua, aunque non necesariamente, y que polo xeneral nun se rieguen.
6. morra: peña.
7. vega: majada con cabañes.
8. casa: 1. vivienda. 2. construcción onde se mete al ganáu, con cuadra y ḥenil.
9. conche: terrén con mucha piedra. Recuéyese concha n’Inguanzo y conche en Berodia.
10. paré: saliente d’una peña onde, pol espaciu grande que cubre, puen moscar les vaques.
11. Ye esta la forma que se recueye ente los informantes non yeístes.
12. coteru: elevación que sobresal nun terrén, ensin munchu altor.

La Deḥesa: Terrén p’abaxo de Val de las Ayanas, na zona de Caleyu. Inguanzo.
La Deḥesina: Una finca en Caleyu. Inguanzo.
El Doblu: Tierra que tiempo atrás tuvo de maíz, cerca de La Ḥaza’l Trigu en La Ería Grande. Berodia.
Dobros (~ La Vega Dobros): Vega con cabañes, que yá se topa dientro del terrén de Poo. Hai fontes, pero non riegues.
Doninglés (~ El Doninglés): Finca de prau cerca d’El Pedrosu, na parte media, según l’altura, del cuéranu 1. d’Adeñes. Nun hai fonte. Inguanzo.
Dubriellu: Terrén de la parroquia de Poo, pero cerca de la llinde cola de Berodia.
El Duesu: Praos cerca de Cortegueros, dientro de La Ería. Inguanzo.


1. cuéranu: peazu de prau o de monte onde s’estremen un númberu indetermináu de finques d’amos distintos y onde pue haber canales d’agua, aunque non necesariamente, y que polo xeneral nun se rieguen.

L’Empribidi: Terrén nel cuéranu 1. de Corcedu. Inguanzo.
Ente los Reorios: Un sitiu na raíz de La Peña, dientro la fastera de Berodia. Nun hai agua nello y les vaques tienen que dir a beber a El Ríu l’Ardina.
L’Entregual: Castañéu grande onde tienen una parte munchos amos, na zona d’El Vau, ente Inguanzo y Berodia. Tiempu atrás hubo aquí un molín.
Las Eras [laséras] : Terrén del común, de monte, ente El Canal de los Tollos y Ḥuambráu, p’arriba de Remuedu. Berodia.
La Ería: Terrén de praos y tierres, a la izquierda visto de frente, del pueblu d’Inguanzo. Queda p’arriba de la carretera y llega hasta Sordía.
La Ería d’Adeñes: La ería qu’hai nel llugar d’esti nome. Inguanzo.
La Ería de la Ḥoz: Una ería cerca de La Sierra, asistiada nuna foz del terrenu, que baxa hasta’l ríu. Berodia.
La Ería de la Pasera: Una ería, casi entera d’un amu solu, cerca de Miyares. Berodia.
La Ería Grande: 1. Ería que llega, per baxo, hasta La Reguera Bargaramedu. Berodia. 2. Unos praos que s’estremen al entamu mesmu de l’anterior. Berodia.
L’Erón: Finca p’abaxo de La nozalera, dientro de La Cortina. Berodia.
L’Eru la Puerta: Terrén d’escasa calidá, onde abrieron un camín de carros. Ta cerca d’El Miradoriu, en La Ería Grande. Berodia.
L’Escaleru: Camín cuestudu y con muches vueltes que va pela zona de Los Campos de la Mina.
L’Escobal: Prau p’arriba de Caxiga Cortada, dientro del cuéranu 1. de Campu Lluengu. Inguanzo.
La Escuela: Barriu del pueblu d’Inguanzo, onde ta l’edificiu de la escuela. Queda perriba de La Bolera.
L’Eslaín: Una de les finques, de prau, que componen Muyáu, dientro de La Ería. Inguanzo.
L’Esnavayu: Praos y monte cerca de La Ḥuente la Pisa. Ye terrén seco y con parte llana. Inguanzo.
Espinas: Terrén arriba de Pierdón. Berodia.
L’Espinu: 1. Terrén debaxo de Pelanes, dientro del cuéranu 1. d’Adeñes. Inguanzo. 2. Terrén de monte común, encima de La Campera Tiva, na raíz de la peña. Berodia.


1. cuéranu: peazu de prau o de monte onde s’estremen un númberu indetermináu de finques d’amos distintos y onde pue haber canales d’agua, aunque non necesariamente, y que polo xeneral nun se rieguen.

La Florida: Terrén cerca de Carmela, en Los Praos del Monte. Berodia.
La Fontona: Una de les partes del pueblu d’Inguanzo, onde hai un bebederu pal ganáu.
Fresnedal: Praos cerca de La Barga, na ería de Los Praos del Monte. Berodia.
El Fresnón: Terrén cerca de La Teyera, na ería de Los Praos del Monte. Berodia.
Fresnu la Ería: Praos na parte cimera de La Ería Grande. Berodia. El nome d’esti sitiu vien d’un fresnu que se llevantaba, como tovía recuerden dalgunos, a la oriella’l camín peonil que pasaba per ende.
El Frieru: 1. Sitiu ente La Ḥoradada y Semuñon, n’el Puertu. Berodia. 2. Sitiu en Muniós, debaxo de La Vuelta’l Gatu. Berodia. Hai buracos nel suelu per onde sal un aire mui frío que, depués d’igualos un poco, sirvíen de bodegues pa la ellaboración del quesu.

La Galería la Concha: una galería qu’escavaron en La Concha, ente Ternás y La Canal, buscando cobre. Inguanzo.
La Galería’l Ḥorcáu: Una galería que fixeron na zona d’El Ḥorcáu, pa ver si atopaben manganesu.
La Galería’l Pinche: Sitiu na zona onde ta La Mina. Inguanzo.
Garandiella: Terrenos que s’atopen de Llanezas arriba, en términos d’Inguanzo.
La Garma: Prau mui pendiente cerca d’El Recuestu. A pesar de lo malo del terrén, ta nun sitiu soleyeru y la yerba ye bono. Cuando nun se siega da munchu oriéganu. Berodia.
Las Garmas: 1. Na fastera de Berodia, el terreno de peña que se topa dientro de la gran zona de Trexerra. Tien llinde con El Ríu Casaño y un valle, dientro d’ello, fai la división ente Las Garmas d’Allá y Las Garmas d’Acá. 2. Terrén cerca de Texa, na fastera del pueblu d’Inguanzo. La pronunciación d’esti topónimu por parte de los informantes vien a ser algo mui paecío a [lasharmas].
Las Garmas d’Allá: La parte de Las Garmas que se topa más lloñe del pueblu. Berodia.
Las Garmas d’Acá: La parte de Las Garmas que se topa más cerca del pueblu. Berodia.
Los Gavilanes: El terrén cimero, daqué llano, encima de Los Llambriales. El Puertu. Berodia.
La Gorgucina (~ La Gurgucina): Terrén de peña encima de Beceña, cerca de Los Ḥogos del Agua. Dende equí dase vista al pueblu de Caín.
La Granxa: 1. Prau debaxo del de Los Prietos, nel cuéranu 1. de Cuetu Ḥoradáu. Inguanzo. 2. Monte en Berodia.
La Güelga: Cuéranu 1. a un llau de Cantiellu. Inguanzo.
La Güelta Pepe: Una curva de la carretera que xube pal pueblu de Berodia, onde cierta ocasión tuvo un accidente un vecín d’esi nome.
La Güerta: Una finca cerrada de muriu, cerca de La Nozalera, encima de La Cortina. Berodia.
La Güerta de Chus: Una faza cerca de La Nozalera, dientro de La Cortina. Berodia.
La Güerta la Calle: Una finca na ería de Miyares, cerca de La vauga 13..
La Güerta la Devesa (~ La Güerta la Devasa): Terrén verde y, per delles partes dalgo llano, debaxo d’El Corral Corrué. El Puertu. Inguanzo.
La Güerta la Torre (~ La Güertona): Una güerta grande al pie de La Torre, n’El Pueblu baḥu. Berodia.
La Güerta Marepaulo: Praos cerca d’El Llanu la Llosa, a la parte baxo del pueblu d’Inguanzo.
Güerta Redonda: Terrén dientro de Las Garmas d’Allá, en términos de Berodia.
La Güerta Marica: Una güerta detrás de La Escuela y a la mano riba de La Bolera. Inguanzo.
La Güerta’l Burdiu: Terrén en La Canal de Llobedu. A la parte baxo queda El Ríu Burdiu.
La Güerta’l Coroyu: Güerta cerca d’El Colláu l’Ablanu. Inguanzo.
La Güerta’l Cura: Una faza dientro de La Cortina, en Berodia.
La Güerta’l Llagu: Una güerta n’El Paré’l Llagu.
El Güertu de Pedru Moru: Güertin onde Pedru Moru. Inguanzo.


1. cuéranu: peazu de prau o de monte onde s’estremen un númberu indetermináu de finques d’amos distintos y onde pue haber canales d’agua, aunque non necesariamente, y que polo xeneral nun se rieguen.
13. L’elementu de referencia, La Calle, ye’l nome del sitiu onde vivía l’amu la güerta, per ellí cerca.

La Ḥabariega: Barriu de Berodia a la entrada del pueblu formáu por dos cases, cerca de La Sierra.
Ḥabariegu: Terrén cerca d’El Caxigu, na ería de Los Praos del Monte. Berodia.
La Ḥayona: Terrén na zona de Trexerra, en términos de Berodia.
La Ḥaza las Cabras: Finca encima de L’Arenal, nel cuéranu 1. d’Adeñes. Inguanzo.
Ḥaza Lluenga: Una faza grande y mui llarga encima de L’Eru la Puerta. Enantes tuvo de maizal. Berodia.
Ḥaza Torgada: Terrén cerca de La Tierrona, n’El Pueblu Baḥu de Berodia.
La Ḥaza’l Güevu: Prau que tien nel mediu una llaguna, lo que fai que s’asemeye a un güevu. Berodia.
Ḥaza Linosa: Prau en Cogollu. Berodia.
La Ḥaza’l Trigu: Faza cerca d’El Miradoriu y encima Mazcayu, en La Ería Grande. Berodia.
La Ḥaza la Varga: Faza en Los Praos del Monte. Berodia.
La Ḥazona: Terrén cerca de La Florida, en Los Praos del Monte. Berodia.
Ḥelguerón: Terrén cerca de L’Acebu, en La Ería Grande. Berodia.
El Ḥelgueru d’Abaḥu: Terrén na zona de Trexerra, en términos de Berodia.
El Ḥelgueru d’Arriba: Terrén na zona de Trexerra, en términos de Berodia.
El Ḥelgueru: Terrén abundante en felechu, en Trexerra. Berodia.
Ḥerrán (~ El Llanu Ḥerrán): Terrén cerca de Covayos. Inguanzo.
El Ḥerráu: Unos praducos metíos na peña de Las Garmas. Berodia.
Los Ḥogos del Agua: Una xerra con ḥogos 14., p’arriba de La Vega Beceña y debaxo de La Gorgucina. El Puertu. Inguanzo.
Los Ḥogos del Duernu: Unos ḥogos 14. ensin salida en Semuñon. Berodia.
Los Ḥogos del Mototu (~ Los Ḥogos del Mutotu): Fondigones del Terrén na zona de Beceña, en términos d’Inguanzo.
El Ḥogu la Pereza: Ḥogu 14. cerca d’El Cantiellu la Muda y debaxo de la vega de Ternás. Ye bastante fondu, pero cuando llueve muncho enllénase d’agua y allega a echalo per riba.
El Ḥoguín: Terrén ente El Cu Riba y El Cu Baḥu d’El Balagar. Inguanzo.
Ḥoncaleda (~ Uncaleda ~ La Ḥuente Ḥoncaleda ~ Doncaleda): Fonte que surde na zona de Ternás. Inguanzo.
Ḥoncaleda (~ Doncaleda): Sitiu onde acaba’l seu que va pa Ternás. Fórmalu’l terrén qu’hai ente’el final del seu y la vega de Ternás. Mana ende, una fonte col mesmu nome.
El Ḥondrigu: Prau al llau del ríu, debaxo de Miyares. Inguanzo.
La Ḥorada: Terrén, depués de pasar El Ḥorcáu, xubiendo per El Puertu. Berodia.
El Ḥoráu: Camín que tien un buracu pa lo cimero, per onde pasen les vaques y la xente cuando van camín d’El Puertu. Inguanzo.
La Ḥorcada: Praos con cases 8. d’invernales a la izquierda de Campulluengu, visto dende el pueblu. Inguanzo.
El Ḥorcadín: Valleya na zona de La Mata, en términos de Berodia.
Los Ḥorcaos: Terrenos na raya ente les fasteres de les parroquies de Poo y d’Inguanzo.
El Ḥorcáu: Zona de monte p’arriba Los Cados. El terrén tien forma de ḥorcáu 15.. El Puertu. Berodia.
Ḥorcáu la Maeda (~ El Ḥorcáu la Maeda): Un ḥorcáu 15. con maeda 16. pa los dos llaos, arriba de Los Coteros. El Puertu. Berodia.
Ḥortigueru: Pueblu de la vecina parroquia de Prau.
La Ḥorupa: Praos pequeños y unes mates, debaxo de La Mata, na lladera derecha d’El Ríu. Inguanzo.
El Ḥou de los Purriellos: El foyu más fondu de los que s’atopen na zona de Los Purriellos. Inguanzo.
Ḥou Grande: Ún de los ḥogos 14. de Los Purriellos. Inguanzo.
Ḥou Ḥondo: Terrén cerca d’El Cantu la Valleya, pa la parte d’allá de Beceña, visto dende Inguanzo.
El Ḥou Mareblanca: Prau en términos d’Inguanzo.
El Ḥou Maresantos: Terrén na zona de Campulluengu. Inguanzo.
El Ḥou Rabiosu: En términos d’Inguanzo.
Ḥuambráu: Prau y cachu de monte pa la zona d’El Monte Común, cabecero con Las Eras y cerca de Prau Redondu, ensin fontes nin riegues, anque enllaguna cuando llueve. El Puertu. Berodia.
Ḥucaleru (~ Ḥocaleru): Monte y finques a continuación de Las Llosas de Baḥu, que peguen con monte común, visto dende Berodia. Berodia.
La Ḥuente Baremuyada: Dos manantiales. Ún sal nel camín y otru na tierra, en medio Baremuyada. Inguanzo.
La Ḥuente Cascayu: Fonte ente los praos de La Granxa y Los Prietos, nel camín. Tien un bebederu pal ganáu. Inguanzo.
La Ḥuente Castañedas: Fonte en Castañedas. Ta considerada, por muncha xente, como una de les meyores de la collación. Inguanzo.
La Ḥuente Caxigón: Fonte en términos de Berodia.
La Ḥuente Diaya: Fonte cerca de La Casa Diaya, na ería de Los Praos del Monte. Berodia.
La Ḥuente Dubriellu: Fonte en terrén de Poo, pero cerca de Ternás.
La Ḥuente Espinas: La fonte que surde n’Espinas.
La Ḥuente la Canal: Fonte en términos d’Inguanzo.
La Ḥuente la Concha: La fonte que cuerre en La Concha, p’arriba un poco de La Vega Ternás. El Puertu. Inguanzo.
La Ḥuente la Congostura: Fonte p’arriba de La Ḥuente’l Duernu y debaxo d’El Collau. El Puertu. Inguanzo.
La Ḥuente la Espina: Fonte cerca de Doncaleda, pa contra riba. Inguanzo.
La Ḥuente la Ḥorcada: Fonte que surde en La Ḥorcada. Inguanzo.
La Ḥuente la Meadoria: Fonte que sal cerca de La Riega la Meadoria. Berodia.
La Ḥuente la Pisa: Sitiu cerca de Los Biḥorcos. Yera onde garraben l’agua pa xubilo hasta La Mina con una bomba.
La Ḥuente la Regoria: La fonte que surde nel barriu de La Regoria del pueblu d’Inguanzo. Tien un bebederu.
La Ḥuente la Teyera: Una fonte p’arriba de Los Prietos, onde acuantayá hubo teyera. Inguanzo.
La Ḥuente la Tintera: Fonte onde diba coyer agua la xente del pueblu de Berodia. Cuando llovía muncho pel tiempu en que taben semaes les tierres, salía l’agua amarillento.
La Ḥuente l’Alisa: 1. Praos cerca d’El Duesu, dientro La Ería. Hai una fonte. Inguanzo. 2. Fonte que sal encima d’El Monte Acebedu, en términos de Berodia.
La Ḥuente las Ánimas: Fonte que sal en L’Emprebidi. Inguanzo.
La Ḥuente las Bárcenas: Fonte en términos de Berodia, p’abaxo del pueblu, xunto al ríu.
La Ḥuente l’Aspra: Fonte nel sitiu d’esti nome. Inguanzo.
La Ḥuente l’Hombre Muertu: Fonte na zona de Ternás, p’abaxo de Doncaleda y de La Ḥuente’l Valleyu. Cuerre poco, anque l’agua ye mui estimao. Cunten en pueblu que, polo visto, llegó allí en cierta ocasión un home con mucha sudada, posó y bebió darréu un gran tragu de la fonte, lo que-y provocó un corte de la dixestión.
La Ḥuente los Anxeles [ánxeles] : Fonte en Corcedu d’Abaḥu. Inguanzo.
La Ḥuente los Barquines: Fonte que cuerre en Los Barquines. Inguanzo.
La Ḥuente los Corros: La fonte que sale en Los Corros, na zona de Semuñon. Berodia.
La Ḥuente los Mazos: Fonte en Trexerra. Berodia.
La Ḥuente los Prietos: Dos fontes que salen, una dientro y otra fuera, de la finca de la que garren el nome. Inguanzo.
La Ḥuente Ostandi: Fonte que pertenez a terrén de Poo.
La Ḥuente Pedru: Fonte en términos de Berodia.
La Ḥuente Pedru Moru: Fonte que cuerre nel sitiu de Pedru Moru. Inguanzo.
La Ḥuente Texa: Fonte que mana en Texa. Ta considerada de bona calidá.
Ḥuente Trexerra: La fonte qu’hai cerca de Los Moscadorios, na zona de Trexerra. Berodia.
La Ḥuente Valdemolín: Fonte na zona de Valdemolín. Inguanzo.
La Ḥuente Valleyu (~ La Ḥuente’l Valleyu): Fonte n’El Valleyu, onde hai una piedra grande y redonda, depués de salir d’El Sedu y primero de llegar a Doncaleda. Cuerre bastante y ye d’agua frío, anque torpe. Inguanzo.
La Ḥuente Xosepe [xosépe] : Fonte cerca d’El Ḥou Mareblanca. Inguanzo.
La Ḥuente’l Beyu: Fonte na zona d’El Beyu. Salía nun prau y encalzáben-y l’agua per una presa pa mover un molín. Agora paez que desapareció.
La Ḥuente’l Duernu: Fonte que surde n’El Valle Beceña. El Puertu. Inguanzo.
La Ḥuente’l Llabriu (~ La Ḥuente’l Llambriu): Una fontina que manó debaxo una castañal. Berodia.
La Ḥuente’l Milán: fonte que sal n’El Milán. Inguanzo.
La Ḥuente’l Molín: La meyor de les fontes de la rodiada Berodia, al pie del ríu. Hubo equí un molín.
La Ḥuente’l Paré la Gotera: La fonte que pinga n’El Paré la Gotera. El Puertu. Berodia.
La Ḥuente’l Peñayu: Fonte p’abaxo un poco de La Vega Beceña. El Puertu. Inguanzo.
La Ḥuente’l Peyecu: Fonte que surde n’El Peyucu y da nacimientu a El Ríu Calabres, ríu principal del valle d’Inguanzo.
La Ḥuente’l Probe: Praos na zona de La Güelga. Inguanzo.
La Ḥuente’l Sapu: Fonte na zona de La Vega Ternás y La Canal. El Puertu. Inguanzo.
La Ḥuente’l Susu: Fonte que surde n’el Susu, na zona d’El Puertu. Inguanzo. Ye d’agua perbono y dicen que vien de Los Torcos de Confesandi, que se topen pa la parte riba. A propósitu d’ella, cúntase qu’una vez cayó una moza pastora nun de los torcos de Confesandi, y tiempu depués atopóse, al pie de La Ḥuente’l Susu, el collar que llevaba la probe rapaza.
Las Ḥuentes de Texa: Fontes en términos d’Inguanzo.
La Ḥuentina: 1. Finca cerca de La Pedrona, en La Ería de la Ḥoz. Manaba enantes nella una fontina. Berodia. 2. Terrén cerca de La Palombina, en La Ería Grande. Cuerre una fontina. Berodia.
La Ḥuentina la Sierra: Fonte en Trexerra, n’el Monte.
La Ḥuentona: Terrén cerca de Las Negreras, onde mana una fontona. Berodia.
Ḥuntagüelos: 1. Faza enriba de La Retoral, dientro de La Cortina. Berodia. 2. Finques apegaes al pueblu de Berodia, desde La Peral hasta La Cortina.


1. cuéranu: peazu de prau o de monte onde s’estremen un númberu indetermináu de finques d’amos distintos y onde pue haber canales d’agua, aunque non necesariamente, y que polo xeneral nun se rieguen.
8. casa: 1. vivienda. 2. construcción onde se mete al ganáu, con cuadra y ḥenil.
14. ḥogu: foyu net terrén provocáu pola erosión.
15. ḥorcáu: pasu estrechu entre peñes.
16. maeda: terrén mui arrimao, peligrosu pal ganáu.

Las Inariegas: Terrén en términos de Berodia. Hubo aquí un molín.

El Lavaderu 17. de Valleyu: Llavaderu qu’hubo en Valleyu, dientro del cuéranu 1. d’Adeñes. Inguanzo.


1. cuéranu: peazu de prau o de monte onde s’estremen un númberu indetermináu de finques d’amos distintos y onde pue haber canales d’agua, aunque non necesariamente, y que polo xeneral nun se rieguen.
17. Nun se recueye la forma aguardable *El Llavaderu.

El Llaciu: Zona de monte en Las Coronas, ente Doncaleda y Busnuevu. Hai un muriu pa tornar les vaques col envís de que nun vayan pa les maedes. Inguanzo.
Llagu (~ El Llagu): Terrén con un llagu, a la derecha visto de frente, de Semuñon, cerca de La Ḥuente los Corros. Berodia.
Las Llagunas: Terrén cuesto, de tierra y con llagunas, cerca d’El Ḥorcáu la Maeda. El Puertu. Berodia.
La Llambria: Ḥaza en La Sierra, en términos de Berodia.
Los Llambriales: Terrén cuesto y de peña, mui húmedo y con llambrias 18.. Ta pa la derecha y un poco p’arriba, visto de baxo, d’El Colláu Sangreru. El Puertu. Berodia.
Las Llambrias: Sitiu onde hai llambries, dalgunes d’elles con nomes de personas escritos con un punteru. Pa riba y cerca de Semuñon.
El Llambriu: Castañeu bastante llanu apegau a El Ríu las Llanas. Berodia.
La Llampaza: Terrén cuesto, ente Umones, perriba, y El Pedregal, perbaxo. Inguanzo.
La Llana Cogollu: Terrén llano, cerca de La Quintana, na ería de Cogollu. Berodia.
La Llana Miyares: Sitiu llanu na ería de Miyares. Berodia.
Las Llanas: Terrenos na llinde ente les fasteres d’Inguanzo y Berodia. Pasa per ende El Ríu la Llanas.
Llanezas: Praos y cuadres que s’atopen nun terrén con llanos, na falda La Peña. Queda pa la derecha, visto de frente, de Valnegru. Inguanzo.
Los Llanos: Una faza cerca de La Güerta la Torre, en Berodia.
Los Llanos de Pandu: Los Llanos qu’hai en Pandu. Inguanzo.
El Llanu (~ Las Llosas del Llanu): Llosas 19. zarraes sobre sí, con cuadres. Vense dende Las Estazadas, per onde pasa la carretera xeneral que va de Ḥortigueru a Carreña. Berodia.
El Llanu la Güelga: Prau na zona de La Güelga. Inguanzo.
El Llanu la Llosa: Praos debaxo d’El Buriellu, cerca de La Güerta Marepaulo, na rodiada del pueblu d’Inguanzo.
El Llanu la Vega: Un monte na raya ente El Puertu y El Pueblu, debaxo de Llanezas. Inguanzo.
El Llano las Coronas: Llanu no cimero de Las Coronas.
El Llanu los Gavilanes: Terrén en Los Gavilanes. El Puertu. Berodia.
El Llanu Texa: Llanu que se topa nel colláu que limita la zona de Texa.
Llanupuercu: Terrén nel monte, cerca d’El Viciu y El Valle Diaya. Vese dende Las Estazadas, per onde pasa la carretera xeneral que va de Ḥortigueru a Carreña. Berodia.
Llavanderu (~ El Llavanderu): Monte con castañeos debaxo de Codía. Per equí pasaba enantes el camín que diba pa Carreña. Inguanzo.
La Llende: Llende 20. cerca d’El Vellar Vieyu. Berodia.
La Llende Cimera: Llende 20. mui grande en medio de La Ería de la Ḥoz. Berodia.
Llerosos: Xerra que s’atopa detrás de Semuñon p’arriba de Salinas y de Ḥosticuernu.
Llinares: Sitiu n’el Puertu.
Lloreo d’Arriba: En términos de Berodia.
La Llosa Beliembre: Llosa 19. que se topa na zona de Beliembre.
La Llosa la Cruz: Llosa 19. enriba de la ería de Cogollu, arrimada a El Picoretu y a Robledu. Hai un encruz de caminos. Berodia.
La Llosa Mariella : Terrén cerca de Los Llosetos. Inguanzo.
La Llosa Miguel: Llosa 19. ente la Granxa d’Inguanzo, El Valle y Argañosos, apegada a El Ríu las Llanas.
La Llosa Pandu: Llosa 19. na zona de Pandu, no cimero de La Ería, pa riba de Covayos. Inguanzo.
La Llosa Perugüerdo (~ Perugüerdo): Finca de bosque 3., allargada y pendiente, que va dende la carretera hasta lo cimero del monte, al llau de Beliembre.
La Llosa la Quintana: Prau na zona de La Quintana. Berodia.
La Llosa Sordía: Terrén nel cuéranu 1. de Sordía. Recuerden los más vieyos que se semó trigu nello. Inguanzo.
La Llosa Tercia: Estaya dientro del cuéranu 1. de Los Praos, debaxo de La Peña y p’arriba de Las Cagüerzas, contra Los Biḥorcos. Inguanzo.
La Llosa’l Balagar: Sitiu zarráu qu’agora ta de monte, nel cuéranu 1. d’El Balagar. Inguanzo.
Las Llosas d’Abaḥu: En Berodia.
Las Llosas d’Arriba: Una ería de seis o siete propietarios cerca de Ḥucaleru. Berodia.
La Lloseta: Prau que se topa a la mano baxo de la caleya, dientro d’Umones. A lo que queda per riba de la caleya llámen-y El Prau. Inguanzo.
Los Llosetos: Terrenos cerca de l’Esnavayu. Inguanzo.


1. cuéranu: peazu de prau o de monte onde s’estremen un númberu indetermináu de finques d’amos distintos y onde pue haber canales d’agua, aunque non necesariamente, y que polo xeneral nun se rieguen.
3. bosque: prau zarráu con un muriu, d’un amu solu, que pue tar verde o semáu.
18. llambria: peña que nun sobresal del suelu.
19. llosa: terrén zarrau, d’un solo propietariu, de mayor estensión que’l bosque y que pue tar de verde o semao.
20. llende: cachu de terrén mui pendiente.

La Maneda: Una baxada mui pindia na falda Las Coronas, contra la izquierda, visto dende’l pueblu d’Inguanzo. Tien dalgo de verde onde pastia’l ganáu. Ta na zona de Dubriellu dientro de la vecina parroquia de Poo.
Mascayu: Terrén llano na parte fondera de La Ería Grande, xunto a La Banca. Berodia.
La Mata: Terrén cerca de La Llende, en términos de Berodia pero mui averaos yá los d’Inguanzo.
Matabar: Prau y castañeu que s’afayen cerca de Llanupuercu, na zona de Las Garmas, en Trexerra. Berodia.
La Matuca: Llosina dixebrada cerca de la ería de Miyares. Berodia.
Las Mazucas: En Remuedu, cerca d’El Valle Remuedu. Berodia.
Medina: Terrén debaxo Ḥucaleru, en términos de Berodia.
El Milán: Cuéranu 1. p’arriba de Valdemolín. Inguanzo.
La Mina Dobros: La mina de manganesu que s’esplotaba pela zona de Dobros, ente los terrenos de la parroquia de Poo y la fastera d’Inguanzo.Los H.orcaos ye la llinde ente les dos collaciones per esta parte.
Mina’l Ḥorcáu: La mina de manganesu qu’hubo na zona d’El Ḥorcáu.
Miracal: Finca nel cuéranu 1. de Los Praos. Inguanzo.
El Miradoriu : Una pendiente cerca d’El Pulpu, en La Ería Grande. Berodia.
Mirón: Dos bosques 3. na zona de Las Llanas. Ún queda en términos d’Inguanzo, a la derecha d’El Ríu las Llanas; y l’otru en términos de Berodia, a la izquierda del mesmu ríu.
La Mixolar: Prau, agora fechu cuasi monte, cerca d’El Fresnón, na ería de Los Praos del Monte. Cuerren per ellí regatucos que nacen de fontines que surden del mesmu prau.
Miyares: 1. Praos p’abaxo de La Castañal, dientro de La Ería. Inguanzo. 2. Ería que s’esparde dende lo cimero del pueblu de Berodia contra arriba, hasta la ería de Cogollu.
El Molín d’Abaḥu: Ún de los tres molinos qu’había en Berodia.
El Molín d’Arriba (~ El Molín de la Ḥuente’l Molín): Ún de los tres molinos qu’había en Berodia.
El Molín de don Nicanor: Antiguu molín que taba p’arriba d’El Molín del Tíu León. Taba debaxo de Pedru Moru y yá nun queda nada d’elli. Inguanzo.
El Molín del Arbuxán: Molín que taba nel sitiu del que garra’l nome, en términos de Berodia, anque’l propietariu yera d’Inguanzo. Posiblemente seya’l mesmu que se conoz en Berodia como El Molín del Mediu.
El Molín del Beyu : (~ El Molín d’Abaḥu): Antiguu molín na fastera d’esti nome. Inguanzo.
El Molín del Mediu: Ún de los tres molinos qu’había en Berodia. Yera d’una persona conocía col nome de "Juanín el Molineru".
El Molín del Tíu León: Antiguu molín al pie d’El Ríu Calabres, p’abaxo de La Puente Calabres. Yá nun queda nada d’elli. Inguanzo.
El Monasteriu: Terrén a praos qu’apega per baxo con La Prida. Inguanzo.
El Monte (~ El Monte Común): Terrén en términos de Berodia.
El Monte Acebedu (~ El Monte Cebedu): Monte que s’afaya debaxo de La Peña la Carta. Berodia.
El Monte Beliembre: Monte pa la fastera de Beliembre. Inguanzo.
El Monte Cantiellu: Monte en Cantiellu. Inguanzo.
El Monte Fresnedal: Monte pa Remuedu, cerca d’El Valle l’Ardina. Berodia.
La Morra Peraḥiendi: Prau onde’l terrén fai como una morra 6., na ería de Peraḥiendi. Berodia.
Los Moscadorios: Sitiu onde s’asoma’al ganáu a moscar, cerca d’El Coterín del Mediu, en Trexerra. Berodia.
Muniós (~ Munieos): Terrén con una cuesta y llanos, detrás de Ternás pela parte alta. Inguanzo.
Muyáu (~ El Muyáu): Una pradería per onde cuerre una rieguina, p’arriba de La Carrera, dientro de La Ería. Nun hai cabañes. Inguanzo.


1. cuéranu: peazu de prau o de monte onde s’estremen un númberu indetermináu de finques d’amos distintos y onde pue haber canales d’agua, aunque non necesariamente, y que polo xeneral nun se rieguen.
3. bosque: prau zarráu con un muriu, d’un amu solu, que pue tar verde o semáu.
6. morra: peña.

Los Nabariegos: Finques de bona calidá, agora de prau, onde, según oyeron algunos, semóse cereal antiguamente. Había dos cases 8., que valtó l’aire hai años. Queden debaxo de Pandu, na llinde cola fastera de Berodia. Inguanzo.
Las Negreras: Prau y tierra que s’alcuentren cerca de La Campa, na ería de Miyares. Berodia.
La Nozalera: 1. Barriu del pueblu d’Inguanzo, a la derecha visto de baxo, del de L’Ablanera. 2. Barriu del pueblu de Berodia, onde acaba la carretera, debaxo de Triana. 3. Faza de la ería de La Cortina, pa lo cimero, pegante col barriu del mesmu nome. Berodia.
Novales: Castañeru y dalgo de prau na oriella d’El Ríu las Llanas. Había una ponte pela que pasaba’l camín que diba de Berodia a Inguanzo.


8. casa: 1. vivienda. 2. construcción onde se mete al ganáu, con cuadra y ḥenil.

L’Obispo: Finca de prau dientro del cuéranu 1. de Corcedu. Inguanzo.
Los Ondrigos 21.: Terrén que tenia munchos pozos porque fundió’l terrén pola mor del agua que pasaba per baxo. Ta cerca de La Valleyona, en La Ería Grande. Berodia.
L’Oscuru: Barriu del pueblu d’Inguanzo, encima del d’El Rigueru.
Ostandi: Terrén de Poo pegante con terrén d’Inguanzo.
L’Oteru: Barriu del pueblu d’Inguanzo, ente los de La Caxiga y El Campu.
L’Otru Lau 22.: Nome xenéricu que s’emplega pa designar tol terrén que s’atopa al otru llau d’El Ríu, mirando dende’l pueblu d’Inguanzo. Vien a ser la lladera derecha d’El Ríu Calabres y tán ehí, ente otro, El Cuetu H.oradáu, El Milán y La Güelga. Inguanzo.


1. cuéranu: peazu de prau o de monte onde s’estremen un númberu indetermináu de finques d’amos distintos y onde pue haber canales d’agua, aunque non necesariamente, y que polo xeneral nun se rieguen.
21. Nun se recueye la forma aguardable *Los Ḥondrigos.
22. Nun se recueye la forma aguardable *L’Otru Llau.

El Paechu: Una finca no fondero de La Ería Grande. Paez ser que fueron tierres de pan. Berodia.
La Palanca: Cuéranu 1. con cases cerca de Baremuyada y a la izquierda, visto de frente, de Pomá de Bodín. Inguanzo.
El Palencianu: Faza dientro de La Cortina. Berodia.
La Palombina: Unes tierres que se semaron de maíz encima d’El Pulpu, dientro de La Ería Grande. Berodia.
Pampiñuelo: Ver Campiñuelo.
Pandal: Terrén cerca de Cedres. Berodia.
Pandu: Terrén llano p’arriba d’El Monasteriu, no cimero de La Ería. Inguanzo.
Paré Córdoba (~ El Paré Córdoba ~ El Paré de Córdoba): Un paré 10. na vega de Córdoba. Inguanzo.
El Paré de los Señores: Paré 10. en La Canal de Llobedu.
El Paré la Brenga: Paré 10. pa la zona de Las Garmas. Berodia.
Paré la Gotera (~ El Paré la Gotera): Un paré 10. onde siempre remexa l’agua. Depués de La Ḥorada, xubiendo, n’El Puertu. Berodia.
El Paré la Señorita: Paré 10. en términos d’Inguanzo.
El Paré l’Egua: Paré 10. que se topa per onde pasa la carretera, cerca de Perugüerdo, al acabar El Monte Beliembre. Tien un buracu al pie, per onde sal agua cuando llueve muncho.
El Paré’l Llagu: Paré 10. na zona d’El Llagu, pa riba de Semuñon. Berodia.
Los Paredes d’Abaḥu: Parés 10. ente La Ḥuente la Canal y La Veguca Rubia. El Puertu. Inguanzo.
La Parra: Barriu del pueblu d’Inguanzo, no fondero, al delláu d’El Buriellu.
Los Payares: Prau na zona d’El Pedregal. Inguanzo.
El Pedregal: Una finca p’abaxo d’Umones. Inguanzo.
La Pedrera: Terrén na oriella mandrecha d’El Ríu Casañu, no fondero de la fastera de Berodia.
La Pedrona: Prau al pie de La Sierra, en La Ería de la Ḥoz. Berodia.
El Pedrosu: Un sitiu que s’afaya encima de Sobrecueva, dientro del cuéranu 1. d’Adeñes. Inguanzo.
Pedru Loteru: Monte pequeñin encima de Ḥucaleru. Berodia.
Pedru Moru: Praos y castañeos que se topen debaxo d’El Balagar, al otru llau d’El Ríu, visto dende’l pueblu d’Inguanzo. Inguanzo.
Pedru Noriega: Praos encima d’El Caleyu, en La Ería Grande. Berodia.
Pelanes: Terrén encima de L’Espinu. Inguanzo.
La Peña la Carta: Peña cerca de Resecu, en términos de Berodia.
La Peña los H.orcaos: La peña que se ve dende’l pueblu d’Inguanzo y qu’apaez con un forcáu nuna parte del cume. Inguanzo.
La Peña’l Valle: En términos d’Inguanzo.
La Peña’l Xerrón: Peña na zona de Las Garmas, en términos de Berodia.
Peñarandi: Praos nuna especie de tablada, no cimero de La Ería Grande. Berodia.
Peraḥiendi (~ Peraḥiende): Terrén pendiente, a prau. Berodia.
El Peral: Barriu del pueblu de Berodia, cerca d’El Campu.
La Peral: 1. El sitiu onde s’atopa’l cementeriu del pueblu d’Inguanzo. 2. El terrén que queda a la mano baxo del anterior. Inguanzo. 3. Finca en La Ería de la Ḥoz. Berodia.
Perugüerdo (~ Perigüerdo): Ver La Llosa Perugüerdo.
Las Peruyales: Un conxuntu de praos encima de Ḥaza Lluenga y debaxo de Tras de Colláu. Berodia.
El Peyucu: El terrén onde naz, a partir d’una fonte pa baxo de La Lloseta, el ríu principal del valle d’Inguanzo, a la izquierda de La Peña visto dende abaxo. Inguanzo.
El Picoretu (~ La Cabeza Cogollu): Terrén de pastu, na parte cimera de Cogollu. Berodia. Tamién se conoz como La Cabeza Cogollu.
Los Picos: Praos cerca de Ḥerrán. Inguanzo.
La Piedra: Prau dientro de La Prida. Inguanzo.
Pierdón: Una mayada con delles cabañes, que s’atopa p’arriba de Posadoriu. Berodia.
La Piniella: Una llosa en terrén pindio, de praos, na falda de La Peña y p’arriba un poco de Los Biḥorcos. Hai una fonte, que fue la primera que garraron pal pueblu d’Inguanzo, enantes de coyer l’agua de La Piplona. Inguanzo.
La Pipa: Barriu del pueblu d’Inguanzo, pa riba y a la derecha, visto de baxo, de L’Aspra.
El Piplón: Unos praos no cimero de La Ería Grande. Sal nellos una fonte. Berodia.
La Piplona: La fonte onde se garró l’agua p’abastecer el pueblu d’Inguanzo, na zona d’El Sedu.
La Pista: La pista que fixeron hai poco, a raíz de la concentración parcelaria, xuniendo pel medio de La Ería d’Inguanzo. Antes dibase per La Caleya Pandu.
Poliar: Terrén que se reparte ente la parte d’arriba y la d’abaxo de La Caleya la Ḥuentona. Lo d’arriba ye de la ería de Cogollu y lo d’abaxo de la de Miyares. Berodia.
Pomá de Bodín (~ Pumá de Bodín ~ Pobá 23. de Bodín): Terrén grande na costanera derecha d’El Ríu, a la derecha d’El Cuélebre, visto de frente. Hai cases y finques. Inguanzo.
El Pontigu: Un prau cerca de Pedru Noriega, en La Ería Grande, per onde cuerre una rieguca. Hai un pasu pa dir al pastu y a otros sitios de más llueñe. Berodia.
La Porquera: Prau que queda detrás del barriu d’El Sagual, dientro yá del cuéranu 1. d’Adeñes. Inguanzo.
La Portiella Busnuevu: Un pasu pa El Puertu, onde acaba El Camín de la Mina. Queda na raya de lo calizo y La Cuesta o Las Coronas. Inguanzo.
La Portiella: 1. Sitiu del pueblu d’Inguanzo, enantes d’aportar a La Caxiga, viniendo pela carretera. Taba equí una de les antigües portielles del pueblu. 2. Valle p’arriba de Los Ḥogos del Duernu, apegando, pela parte cimera, con Beceña. Berodia.
La Portiella d’Arriba: Una de les portielles qu’había nos contornos del pueblu d’Inguanzo.
La Portiella de Santa Cruz: Una de les vieyes portielles del pueblu d’Inguanzo.
La Portiella del Mediu: Una de les vieyes portielles del pueblu d’Inguanzo.
La Posa la Traviesa (~ La Pose la Traviesa): Un sitiu onde posaben el zurrón y descansaben los que xubíen pa El Puertu, na zona de La Traviesa. Berodia.
Posadoriu: Cerca de Panda.
Los Pozos: Una finca p’arriba d’El Campu Marina. Inguanzo.
El Pozu Maestru: Ún de los pozos de La Mina Dobros.
El Pozu Ratón: Ún de los pozos de La Mina Dobros.
El Praducu Ḥulluengu: un pedazu de terrén que ta de campera, na peña qu’hai en Los Ḥorcaos.
Los Praos: Un cuéranu 1. cabeceru con El Prau so la Casa, na zona de debaxo de La Peña. Inguanzo.
Prau Concha: Prau en Los Prados del Monte. Berodia.
Los Praos de la Ería: Praos a la derecha, visto de frente, de Cebos, en La Ería. Inguanzo.
Los Praos del Monte: Ería que se topa na raya con La Molina (parroquia de Prau). Queden pa baxo d’Uncedu. Berodia.
El Prau: El prau que queda a la mano riba de la caleya que lu separa de La Lloseta, dientro d’Umones. Inguanzo.
El Prau de los Campos: Terrén na ería de Peraḥiendi. Berodia.
El Prau Ḥogu: Prau que fai ḥogu 14., pa lo cabero de la ería de Cogollu. Berodia.
Prau Llanu: Prau en Los Prados del Monte. Berodia.
El Prau del Manco: Prau en Los Praos del Monte. Berodia.
El Prau Pozu: Dellos praos p’abaxo de La Ḥuente l’Alisa, dientro de La Ería del pueblu d’Inguanzo.
Prau Redondu: Prau p’arriba de Remuedu, n’el Monte. Berodia.
El Prau so la Casa: Un cuéranu 1. ente Sordía y Los Praos. Inguanzo.
Prau Verde: Prau en Los Prados del Monte. Berodia.
La Prida: Terrén p’arriba d’El Camín de las Rozas; tien alternativamente zones llanes y arrimaes. Inguanzo.
Los Prietos: Bosque 3. p’arriba de La Granxa, nel cuéranu 1. de Cuetu Ḥoradáu.
El Prindal: Terrén cerca de La Reguita, na raya con Berodia.
El Pueblu baḥu: La parte baxa del pueblu de Berodia.
El Pueblu d’Abaḥu: La mitá fondera del pueblu d’Inguanzo, formado polo que queda p’abaxo de la llinia reuta que va dende La Portiella del Medio hasta La Portiella Santa Cruz.
El Pueblu d’Arriba: La mitá cimera del pueblu d’Inguanzo, formada polo que queda p’arriba de la llinia reuta que va dende La Portiella del Medio hasta La Portiella Santa Cruz.
El Pueblu Riba: La parte cimera del pueblu de Berodia.
La Puente Calabres: Antigua ponte que cruzaba El Ríu Calabres. Yera, de les tres qu’había, la que quedaba más abaxo. Les otres dos yeren La Puente’l Valle y La Puente la Teyería. Inguanzo.
La Puente la Baragaña: La ponte per onde crucia la carretera poco enantes de llegar al pueblu d’Inguanzo.
La Puente la Teyería: Ponte de piedra que crucia El Ríu pela zona de La Teyería. Yera, de les tres pontes antigües, la que quedaba más arriba. Inguanzo.
El Puente Novales: La Ponte que cruza El Ríu las Llanas pela zona de Novales, per onde pasaba’l camín que xunía los pueblos de Berodia y Inguanzo.
El Puente Nuevu (~ El Puente Inguanzo): Ponte onde anicia la carretera que xube pa Inguanzo, al llau de La Carretera l’Estáu.
La Puente’l Valle: antigua ponte que llevó una enriada. Quedaba al llau de Pedru Moru, ente La Puente Calabres, per baxo, y La Puente la Teyería, per riba. Inguanzo.
El Puertu: La zona más alta de caún de los terrenos pertenecientes a los pueblos d’Inguanzo y de Berodia.
El Puertu de Beceña: El puertu que se topa na zona de la que garra’l nome. Inguanzo.
El Pulpu: Una finca cerca d’El Paechu, de terrén pendiente y que se semó en tiempos pasaos. Berodia.
Los Puriellos: Terrén ente El Valle Beceña y La Cabeza las Vacas, en llinde con La Cabeza Llerosos, anque dientro de la fastera d’Inguanzo.


1. cuéranu: peazu de prau o de monte onde s’estremen un númberu indetermináu de finques d’amos distintos y onde pue haber canales d’agua, aunque non necesariamente, y que polo xeneral nun se rieguen.
3. bosque: prau zarráu con un muriu, d’un amu solu, que pue tar verde o semáu.
10. paré: saliente d’una peña onde, pol espaciu grande que cubre, puen moscar les vaques.
14. ḥogu: foyu net terrén provocáu pola erosión.
23. Recuéyese esta forma, Pobá, namás que nún de tolos informantes.

Las Quebradas: Terrenos encima de La Vega Ternás y debaxo d’El Cumbrial. El Puertu. Inguanzo.
La Quintana: 1. Tierres trabayaes cerca de Los Picos. Inguanzo. 2. Terrén daqué afarfagonao, con cuadra y arrimao a la sierra, cerca d’El Cabreru, na ería de Cogollu. Berodia.

La Rabiosa: Una finca cerca del barriu de L’Ablanera, n’Inguanzo.
Rabu d’Asnu: Un prau cerca de La Sierra, na parte cimera de La Ería de la Ḥoz. Berodia.
La Rambla: Fuerte baxada n’el camín antiguu a Berodia, dende La Carretera l’Estau hasta El Ríu Casañu.
La Rana: Prau grande, con una llaguna, na ería de Cogollu. Berodia.
La Rasa: Una xerra en términos d’Inguanzo.
Los Recuestos: Terrén cerca de Muyáu, dientro de La Ería d’Inguanzo.
El Recuestu: Praos malos, de terrén mui pendiente y agora yá abandonaos, cerca de Las Peruyales, en La Ería Grande. Berodia.
Las Redondas: Finca de fechura redonda, en términos d’Inguanzo.
La Redondiella : Una faza no fondero de la ería de Miyares. Berodia.
La Regoria: Una de les partes o barrios del pueblu d’Inguanzo, p’arriba de La Caxiga. Hai una fonte y un bebederu.
La Reguita: Unos bosques 3. con cases 8., ente arboleda, cerca d’El Cruciu, na raya con Berodia. Había algunos fontanes a la oriella del camín vieyu, que daben agua pel inviernu pa beber el ganáu. Agora paez que desapaecieron al facer la pista nueva que pasa pellí.
La Reḥaya’l Cantu: Una fendedura ente dos peñes na zona de Trexerra.
Remuedu: Un cuéranu 1. na parte más alta del pueblu de Berodia, cerca de Las Llosas d’Arriba. Ye l’últimu cuéranu enantes de metese en puertu. Nun hai fonte nin riega.
El Reoriu: Una finca arrimada a La Sierra, no cimero de La Ería de la Ḥoz. Berodia.
El Repetidor: Repetidor no cimero de Beliembre, nún de los estremos del cordal d’El Táranu.
Resecu (~ El Resecu ~ El Ríu Resecu ~ La Riega Resecu): 1. Riega que baxa pela izquierda, según cuerre l’agua, d’El Cuetu Llobedu. 2. El terrén per onde pasa esta riega.
La Retoral: Una finca que tiempu atrás yera del cura, nel barriu baxu del pueblu de Berodia. Hubo casa.
La Revoltona (~ La Revueltona ~ La Vuelta’l Fraire): Vuelta de 180 grados na carretera, antes en el camino, que va al pueblu de Berodia. Tamién se conoz como La Vuelta’l Fraire. Polo que cuenten dalgunos, hubo, va tiempu, un cura de Berodia que tenía’l vezu de pasiase con frecuencia dende la casa retoral, en Pueblu Baḥu, hasta esta curva. Y al paecer fue esa la causa de que-y ponxeran esti nome al sitiu.
La Riega: Una finca que ta separada de La Vaúga por una riega que pasa per ende, na ería de Miyares. Berodia.
La Riega Argandi: Una riega que cuerre pelos terrenos de La Molina (parroquia de Prau), faciendo en dalgún tramu de llinde cola parroquia de Berodia.
La Riega Bargaramedu: La riega que baxa del monte d’esti nome y pasa ente El Monte Acebedu y La Ería Grande. Berodia.
La Riega Cedres: Riega que desagua n’El Ríu Casañu. Naz en La Meadoria y llámase tamién La Riega la Meadoria y La Riega l’Ardina, acodies colos llugares pelos que va pasando. Berodia.
La Riega Fresnedal: La riega que naz en Remuedu y desagua n’El Ríu Casañu, en La Pedrera. Berodia.
La Riega l’Ardina (~ El Ríu l’Ardina): La Riega la Meadoria al pasar pela zona d’El Cuetu l’Ardina. Berodia.
La Riega la Meadoria (~ La Riega de la Meadoria): Riega cerca de Las Eras, contra’l terrén de La Molina. Baxa de Los Llambriones y desagua n’El Ríu Casañu. Berodia.
La Riega las Ablaneras (~ La Riega las Llanas): Riega que naz en Las Ablaneras, fastera de Berodia, y desagua n’El Ríu las Llanas, casi en mesmu sitiu onde tamién lo fai La Riega’l Pulpu. El pueblu de Berodia asitiase precisamente ente elles dos, baxando la d’El Pulpu pela izquierda y la de Las Ablaneras pela derecha.
La Riega’l Pulpu: Riega que baxa del pueblu de Berodia, onde naz, hasta desaguar, pela izquierda, n’El Ríu las Llanas. Berodia.
La Riega Valdemolín: Riega que baxa pela zona de Valdemolín diendo a dar a El Ríu, pela derecha. Inguanzo.
El Rigueru: Barriu del pueblu d’Inguanzo, no fondero, al delláu del de La Parra.
El Ríu: Ríu principal del valle d’Inguanzo. Naz n’El Peyucu, pa baxo d’Umones, y según per onde pasa puen denomalu tamién El Ríu los Bosquinos, El Ríu la Teyería y El Ríu Calabres.
El Ríu Burdiu: Ríu que baxa pela parte derecha, según cuerre l’agua, d’El Cuetu Llobedu. Naz en Las Camperas (Inguanzo) y rinde l’agua n’El Ríu las Llanas, pa Berodia.
El Ríu Calabres: Ver El Ríu.
El Ríu Casañu (~ El Casañu): El ríu que baxa pela izquierda del pueblu de Berodia y al que van a desaguar los dos ríos más importantes de la parroquia : El Calabres y el de las Llanas. Tien el mesmu nome desde que naz en Casañu (en La Molina, parroquia de Prau), hasta que desagua n’El Cares.
El Ríu la Teyería: Ver El Ríu.
El Ríu las Llanas: Ríu que pasa ente los términos de los dos pueblos de la parroquia de Berodia. Fórmase cola miesta d’El Ríu Burdiu, que llega pela mandrecha, y El Resecu, que lo fai pela manzorga. Depués recibe una rieguina que baxa de Sordía. La rodiada del pueblu de Berodia atópase ente esti ríu y El Ríu Casañu.
El Ríu los Bosquinos: Ver El Ríu.
El Ríu Tamañan: Afluente d’El Ríu Casañu que cuerre fuera de la collación de Berodia, na zona de La Molina (Prau).
Robledu: Finca pal final de la ería de Cogollu, cerca d’El Picoretu. Berodia.
Rotellu: Arboleda que s’alcuentra debaxo y pa contra la derecha, visto de frente, de Pandu, na parte alta de La Ería. Inguanzo.
La Rotura: Terrén que s’afaya p’abaxo d’El Canalón, na ería de Los Praos del Monte. Berodia.
El Roblu: Una cueva que se mete nun paré 10., p’arriba d’El Traviesu Ternás. Inguanzo.
La Rozada: Terrén a la mano riba d’El Bosque d’Abaḥu, cerca de La Cuesta’l Cantu, nel cuéranu 1. d’Adeñes. Inguanzo.
Las Rozas: Praos que s’atopen p’arriba y a la izquierda de La Cuesta, según se mira d’abaxo, dientro de La Ería. Inguanzo.


1. cuéranu: peazu de prau o de monte onde s’estremen un númberu indetermináu de finques d’amos distintos y onde pue haber canales d’agua, aunque non necesariamente, y que polo xeneral nun se rieguen.
3. bosque: prau zarráu con un muriu, d’un amu solu, que pue tar verde o semáu.
8. casa: 1. vivienda. 2. construcción onde se mete al ganáu, con cuadra y ḥenil.
10. paré: saliente d’una peña onde, pol espaciu grande que cubre, puen moscar les vaques.

El Sagual: Barriu na parte cimera del pueblu d’Inguanzo, onde se llevanta l’edificiu de la escuela.
La Salgar: 1. Terrén qu’hai cerca de Cebos, en La Ería. Inguanzo. 2. Praos apegaos a El Corciáu, dientro de La Ería Grande. Berodia.
Salgarín: En términos de Berodia.
Salinas: Terrén cerca d’El Valle Ḥosticuernu y debaxo de Llerosos. Berodia.
Salláu: Campera grande con un llaguín no cimero, en términos d’Inguanzo.
Santa Cruz : Prau llanu, debaxo del de La Porquera y separáu d’él pol camín d’Adeñes. Inguanzo.
Los Saplones (~ Los Asprones): El llugar onde garraron l’agua p’abastecer al pueblu de Berodia. Pertenez a Inguanzo.
El Sedu: Un camín pa llegar a El Puertu, a Ternás. Queda na lladera que baxa hacia El Ríu Burdiu y ye camín pa personas y reciella, non pa vaques nin burres. Inguanzo.
El Sedu Cananda: Un pasu mui malu pa la zona de Cananda. Inguanzo.
El Sedu los Peligros: En términos d’Inguanzo.
El Sel de Valnegru: Tol terrén alredor de les cuadres de Valnegru. Inguanzo.
El Sellón: Cachu de terrén que s’alcuentra dientro del cuéranu 1. d’El Milán, en términos d’Inguanzo.
Semuñon: Picu y monte y vega no habitada, encima d’El Cuetu Pierdón. Berodia.
El Senderu: Una valleya per onde trescurre un senderu, na zona de Las Garmas. Berodia.
La Sierra (~ La Xerra): Una xerra cerca de Berodia, a la derecha visto de frente.
La Sierra d’Abaḥu: prau en La Cortina. A l’otru llau de la carretera está La Sierra. Berodia.
La Sierra Remuedu: Xerra en Remuedu. Berodia.
La Sierruca: Prau na ería de Los Praos del Monte.
Las Sobacas: Terrén de monte y arboláu p’arriba de Los Picos, a la izquierda de Zaniellu, visto de frente, nel cuéranu 1. d’Adeñes. Inguanzo.
Sobrecueva: Una zona de terrenu con llanos, pendientes y piedra calizo encima d’una cueva, na parte fondera del cuéranu 1. d’Adeñes. Inguanzo.
Sollambres: Una finca que s’afaya cerca de La Vega, p’allá d’Uncedu, visto dende’l pueblu de Berodia. Berodia.
Sordía: Cuéranu 1. pequeñu, con cuadres, cerca de Llanezas, en términos d’Inguanzo. Estrémase en dos partes, Sordía d’Arriba, con unes diez cases 8. y una fonte, y Sordía d’abaḥu, con unes cuatro cases y dos fontes. Inguanzo.
La Subida los Gabidos: En Las Garmas d’Allá, cerca de Güerta Redonda. Berodia.
Sulallosa (Su la Llosa) : Una finca de La Ería la Ḥoz. Berodia.
Sulatraviesa (Su la Traviesa) : Praos, debaxo de la peña de La Traviesa. Berodia.
Sucadapán: Terrén, pa lo fondero de la fastera de Berodia, apegando con El Ríu las Llanas. Berodia.
Suparé la Brenga: Na zona de Las Garmas, en términos de Berodia.
El Susu: Un valle, na parte cimera de La Canal, saliendo cerca d’Ostandi, p’arriba de Ternás, n’El Puertu, con piedra pa los dos llaos y dalguna camperina. Surde aquí una fonte d’agua mui bono. El Puertu. Inguanzo.


1. cuéranu: peazu de prau o de monte onde s’estremen un númberu indetermináu de finques d’amos distintos y onde pue haber canales d’agua, aunque non necesariamente, y que polo xeneral nun se rieguen.
8. casa: 1. vivienda. 2. construcción onde se mete al ganáu, con cuadra y ḥenil.

La Tablada Cuetulluengu: Terrén cerca d’El Colláu Sedu. Inguanzo.
La Tabla’l Cuevu: Terrén en Trexerra. Hai una cuevina. Berodia.
El Táranu: 1. Cordal rocosu que baxa dende El Repetidor, no cimero de Beliembre, hasta la carretera d’Inguanzo, y vuelve a apaecer pa la otra parte d’El Ríu Calabres pa xubir hasta La Cueva’l Bosque, que yá mira pa El Ríu las Llanas. A lo llargo d’él, y de manera intermitente, van surgiendo otros topónimos pa designar finques o terrenos d’otra clas. 2. Un bosque 3. de fechura allargada, de riba a baxo que queda mirando pal valle d’El Ríu las Llanas y pela parte riba llinda col cuéranu 1. d’Adeñes. Vien a ser ún de los estremos del cordal.
La Tarapiella (~ La Trapiella): Llomba, de monte, encima de La Xerra la Quintana. Berodia.
Teangos: Una vega pequeña n’El Puertu, depués de pasar El Ḥoráu Inguanzo.
La Teyera: 1. Terrén en Los Colladinos, onde se fabricó teya n’époques que tovía recuerdan dellos paisanos. Berodia. 2. Terrén que s’afaya cerca d’El Bosquín, na ería de Los Praos del Monte. Tamién se fexo teya aquí, anque dexo de trabayase enantes que na de Los Colladinos. Berodia. 3. En La Llende, na zona de Caxigón. Tamién hubo teyera. Berodia.
El Terenal (~ El Terenal d’Alfonso): Una xubida, na zona d’El Puertu, que tien caída pal pueblu de Berodia. Hai nello pastu y queda enriba de Las Bodegas.
Ternás: Terrén llano y de bona calidá, que s’alcuentra depués de pasar El Sedu y Doncaleda, xubiendo dende’l pueblu. El Puertu. Inguanzo.
Texa: La cincha de terrén que pega, perriba, con La Peña. Inguanzo.
La Teyería: Cuéranu 1. a la parte alta d’El Ríu, onde ta la ponte que lleva esti nome. Inguanzo.
La Teyería Corcedu: Terrén ente La Teyería y Corcedu. Inguanzo.
La Tierra los Cuadros: Tierra que se topa cerca de la d’El Barganal. Berodia.
La Tierra los Pozos: Tierra na ería de Miyares. Berodia.
La Tierrina d’Abaḥu: Tierra nel cuéranu 1. d’El Balagar. Inguanzo.
La Tierrina del Mediu: Tierra nel cuéranu 1. d’El Balagar. Inguanzo.
La Tierrona: Una faza n’El Pueblu Baḥu de Berodia.
El Timón: Terrén encima de L’Espinu. Berodia.
La Tintera: Un prau na ería de Miyares, onde salía una fonte que, cuando llovía muncho, echaba l’agua de color amarillento, probablemente pola mor del cuchu que metíen nes tierres. Berodia.
Tomavientos: Sitiu onde, por tar mui cerca de canales y cañaes, casi siempre tira l’aire. Ta cerca de Semuñon. El Puertu. Berodia.
La Torca de Cuestas Sagradas: Una torca 24. en términos d’Inguanzo.
La Torca del Mototu: Una torca 24. en términos d’Inguanzo.
La Torca la Rasa: Torca 24. encima d’El Valle. Pela parte d’abaxo pasa un ríu, según dixeron unos espeleólogos que baxaron per ella hai unos años. Inguanzo.
Los Torcos de Confesandi: Na parte cimera de La Canal. Inguanzo.
La Torre: Una casona no fondero del pueblu de Berodia.
La Torre (~ La Torre’l Balagar): El cachu cimeru, de terrén llano, del cuéranu 1. d’El Balagar. Hai un castañeu. Inguanzo.
Trambasaguas (~ Tremasaguas): Terrén ente El Ríu Burdiu y El Resecu p’abaxo de Los Saplones. Hai un castañéu.
Tras de Colláu: Terrén que se topa no cimero de La Ería Grande, detrás mesmo del pueblu de Berodia.
Tras del Cantu: Terrén na zona de Las Garmas, en términos de Berodia.
El Través: Nome xenéricu col que se conocen, en Berodia, los pueblos y los terrenos de La Molina, Ḥortigueru, Salce, Escobal y Puertas, que son de parroquies vecines.
Tras la Casa: Finca perriba de La Cortina, al lláu de Ḥuntagüelos. Berodia.
La Traviesa: Cerca de Muniós. El Puertu. Berodia.
Las Traviesas: Terrén que se topa pa riba del monte de Los Biḥorcos, ente La Cuesta la Surbial y El Cuetu los Fresnos. Inguanzo.
El Traviesu d’Abah.u: terrén na zona de Las Garmas, en términos de Berodia.
El Traviesu d’Arriba: Terrén na zona de Las Garmas, en términos de Berodia.
El Traviesu Ternás: Un traviesu que pasa dende La Ḥuente la Canal a Campiyón. Inguanzo.
Los Trechorios: En Trexerra. Berodia.
Tres l’Asientu: Una ería en Remuedu, debaxo del coteru 12. de La Sierra Remuedu. Berodia.
Tresalfonso: Praos y tierres debaxo de la carretera y cabeceros con La Cortina, na rodiada del pueblu d’Inguanzo.
Tresarrudo: En Términos de Berodia.
Tresombos: La parte cimera del monte, onde apaecen les formes de tres llombos. Hai tamién praos. Ente El Repetidor y El Cantiellu. Inguanzo.
Trexerra (~ Tres Xerra ~ Tresierra): Zona grande de terrenu que s’atopa detrás de la xerra que se llevanta mui cerca del pueblu de Berodia.
Trexerra: Terrén cerca de Cacabiellu, nel cuéranu 1. d’Adeñes. Inguanzo.
Triana: Barriu del pueblu de Berodia, encima del de La Nozalera.
El Tusiellu: Terrén cerca de La Ḥazona, en los Praos del Monte. Tien un asomu onde se voltia pa la otra parte. Berodia.


1. cuéranu: peazu de prau o de monte onde s’estremen un númberu indetermináu de finques d’amos distintos y onde pue haber canales d’agua, aunque non necesariamente, y que polo xeneral nun se rieguen.
3. bosque: prau zarráu con un muriu, d’un amu solu, que pue tar verde o semáu.
12. coteru: elevación que sobresal nun terrén, ensin munchu altor.
24. Torca (~ Torcu): sima.

Umones: Terrén cerca de l’Emprebidi, na raya cola parroquia de Poo. Tópase nuna llomba y asemeya l’albarda d’una caballería. Fórmenlu dos praos, que tán separaos por una caleya. El de la parte riba llámase El Prau; y el de la parte baxo, La Lloseta. N’El Prau hai un pozu, un charcu, que tien agua siempre, inclusive en tiempu de seca. Inguanzo.
Uncaleda: Ver Ḥoncaleda.
Uncedu (~ Oncedu): Ería daqué prau, cerca de Peraḥiendi y onde acaba La Ería Grande. Berodia.

La Vaca: Terrén ente La Puente’l Valle y La Baragaña, a la parte baxo de la carretera, na rodiada del pueblu. Inguanzo.
Val de las Ayanas (~ Val de las Allanas): Terrén allombrao, debaxo de L’Asomu. Hai cases pal ganáu y bosques 3.. Inguanzo.
Valdelorroxos (~ Val de los Roxos): Terrén ente El Vau y La Mata, na raya ente los terrenos de Berodia y d’Inguanzo. Cuerren per ellos delles riegues. Inguanzo.
Valdemolín: Zona d’arboleda na lladera derecha d’El Ríu, enfrente del barriu d’El Buriellu. Inguanzo.
Valnegru: Na raya con La Peña, ente La Piniella a la izquierda y Llanezas a la derecha, visto de frente. Inguanzo.
El Valle Adeñes: El valle que forma la zona d’Adeñes, ente El Cantu y La Cueva’l Bosque aproximao. Inguanzo.
El Valle Beceña: Ver Beceña.
El Valle Diaya: Terrén ente Llanupuercu y El Llano, dientro de la zona de Las Garmas. Vese dende Las Estazadas, pela carretera que va de Ḥortigueru a Carreña. Berodia.
El Valle Ḥosticuernu: Valle que baxa pa contra la parroquia de Prau, cerca de La Cabeza las Vacas. Berodia.
El Valle l’Ardina: Valle na zona de La Riega la Meadoria. Berodia.
El Valle la Ḥoz: Praos grandes cerca de La Ería de la Ḥoz. Berodia.
El Valle Remuedu: Valle en Remuedu, cerca d’El Monte Fresnedal. Berodia.
El Valle: Una faza, cerca de Ḥaza Torgada, n’El Pueblu Baḥu de Berodia.
Valles: Praos y arboláu ente Cantiellu y La Ḥorcada. Inguanzo.
La Vayella: Prau debaxo de La Sierra. Berodia.
La Valleya la Ḥormiga: Ente La Llampaza y La Peña, debaxo de La Cuesta la Surbial. Inguanzo.
La Valleya la Poza: Na zona de Trexerra, cerca de La Poza, en términos de Berodia.
Las Valleyas: Cerca de Los Cuetos Pardos. Inguanzo.
El Valleyón: Prau llanu nel cuéranu 1. d’Adeñes, debaxo d’El Lavaderu de Valleyu. Inguanzo.
La Valleyona: Cerca de Ḥelguerón, en La Ería Grande. Berodia.
Los Valleyones de Texa: Valleyones que baxen dende Texa hasta Los Cuetos Pardos. Inguanzo.
Los Valleyos: Praos en La Ería de la Ḥoz. Berodia.
Valleyu: Delles pieces qu’en conxuntu tienen forma envallinada, cerca de La Porquera, nel cuéranu 1. d’Adeñes. P’arriba queda’l cementeriu d’Inguanzo. Inguanzo.
Valleyu (~ El Valleyu): En Ternás, con una bona fonte. Inguanzo.
El Vallín Tresnoru : Un vallín que s’alcuentra diendo de Beceña pal pueblu d’Ondón. Una parte pertenez a Inguanzo y otra a Camarmeña (parroquia de Bulnes).
Vallisondi: Un monte de fayes, cerca La Maeda. Ta en terrén de la parroquia de Poo.
La Vasica: Una xerra que se topa diendo dende el pueblu pa Beceña, cerca d’esto. Inguanzo.
El Vau: Terrén con castañéu, praos y monte, cerca de Resecu. Pasa per ello el ríu y queda na raya ente les fasteres de los pueblos d’Inguanzo y Berodia.
La Vaúa (~ La Vaúga): Una faza dientro de la ería de Miyares, per onde pasa una rieguina. Berodia.
La Vega: Una finca darréu d’Uncedu, vista dende’l pueblu de Berodia. Berodia.
La Vega Beceña: La vega qu’hai en Beceña, p’arriba d’El Colláu. El Puertu. Inguanzo.
La Vega la Fuente: Una vega que s’afaya baxando de Llerosos, pela parte de tras, visto dende Berodia. Yá nun pertenez a esta parroquia.
La Vega les Cuerres: Vega pa riba de Muniós. Berodia.
La Vega Espinas: Vega p’arriba de Pierdón. Berodia.
La Vega l’Ondón: Vega que pertenez a Camarmeña, pero na raya cola fastera d’Inguanzo.
La Vega la Portiella: Vega na parte fondera de la zona de La Portiela. Berodia.
La Vega Pierdón: Vega de la zona de Pierdón. Berodia.
La Vega Semuñon: Una mayada en Semuñon. Berodia.
La Vega Ternás: Una vega en Ternás, xubiendo a la derecha de Doncaleda. Hai unes cuantes cabañes mui descalteníes. Inguanzo.
La Veguca Rubia: P’arriba de Los Paredes d’Abaḥu, en La Canal. El Puertu. Berodia.
La Vegueta: Faza dientro de la ería de Peraḥiendi, al principiu d’ella. Nun ye terrén de bona calidá. Berodia.
El Vellar Vieyu: Terrén de monte y pradera que pega col monte común, en términos de Berodia.
El Viciu: Un precipiciu en términos de Berodia.
Las Viñas: Prau debaxo de la ilesia del pueblu de Berodia. Dicen qu’hubo aquí viñes.
Vistuertas: Terrén que queda pa la fastera de Berodia, debaxo d’El Cumbrial. El Puertu. Berodia.
La Vuelta’l Fraire (~ La Vuelta’l Fraile): 1. Ver La Revoltona, en Berodia. 2. Prau encima de dicha vuelta.
La Vuelta’l Gatu: Una vuelta que queda llegando a Semuñon. Ente La Vuelta’l Gatu y Semuñon atópense estos sitios : Tomavientos, Campu la Conche y La Cotera Quemada.


1. cuéranu: peazu de prau o de monte onde s’estremen un númberu indetermináu de finques d’amos distintos y onde pue haber canales d’agua, aunque non necesariamente, y que polo xeneral nun se rieguen.
3. bosque: prau zarráu con un muriu, d’un amu solu, que pue tar verde o semáu.

La Xerra Beliembre: La xerra que s’afaya na zona de Beliembe. Inguanzo.
La Xerra la Quintana: Xerra na zona de Cogollu, cerca de La Trapiella.
El Xerrón (~ El Serrón): Na zona de Las Garmas, encima de La Sierra. Berodia.

La Zamploña: Terrén de monte común onde hai unes cueves, en Las Garmas d’Acá. Berodia.
Zaniellu: Un barriu con muches cuadres, na parte cimera del pueblu d’Inguanzo.
Los Zurros: Terrén de bravíu, apegao a L’Escobal, a lo último del cuéranu 1. de Campulluengu. Inguanzo.


1. cuéranu: peazu de prau o de monte onde s’estremen un númberu indetermináu de finques d’amos distintos y onde pue haber canales d’agua, aunque non necesariamente, y que polo xeneral nun se rieguen.



1. cuéranu: peazu de prau o de monte onde s’estremen un númberu indetermináu de finques d’amos distintos y onde pue haber canales d’agua, aunque non necesariamente, y que polo xeneral nun se rieguen.
2. Nun se recueye en nengún casu la forma Abaxu.
3. bosque: prau zarráu con un muriu, d’un amu solu, que pue tar verde o semáu.
4. campera: sitiu llanu en monte.
5. La segunda de les formes conseñaes ufiertóla ún de los informantes de más d’ochenta años.
6. morra: peña.
7. vega: majada con cabañes.
8. casa: 1. vivienda. 2. construcción onde se mete al ganáu, con cuadra y ḥenil.
9. conche: terrén con mucha piedra. Recuéyese concha n’Inguanzo y conche en Berodia.
10. paré: saliente d’una peña onde, pol espaciu grande que cubre, puen moscar les vaques.
11. Ye esta la forma que se recueye ente los informantes non yeístes.
12. coteru: elevación que sobresal nun terrén, ensin munchu altor.
13. L’elementu de referencia, La Calle, ye’l nome del sitiu onde vivía l’amu la güerta, per ellí cerca.
14. ḥogu: foyu net terrén provocáu pola erosión.
15. ḥorcáu: pasu estrechu entre peñes.
16. maeda: terrén mui arrimao, peligrosu pal ganáu.
17. Nun se recueye la forma aguardable *El Llavaderu.
18. llambria: peña que nun sobresal del suelu.
19. llosa: terrén zarrau, d’un solo propietariu, de mayor estensión que’l bosque y que pue tar de verde o semao.
20. llende: cachu de terrén mui pendiente.
21. Nun se recueye la forma aguardable *Los Ḥondrigos.
22. Nun se recueye la forma aguardable *L’Otru Llau.
23. Recuéyese esta forma, Pobá, namás que nún de tolos informantes.
24. Torca (~ Torcu): sima.


© Academia de la Llingua Asturiana



www.concejodecabrales.com

Share: